Portal de Osakidetza

Osakidetza logotipoaren irudia

Orain logotipoaren irudia

euskadi.net logotipoaren irudia

Hemen zaude:
  1. Hasiera
  2.  
  3. Enpresak
  4.  
  5. Erosketa Publico Berritzailea

Erosketa Publico Berritzailea

Zer da CPI delakoa?

Erosketa Publiko Berritzailea da CPI. Eskaria kontuan hartzen duen berrikuntza-politikako tresna izanik, sektore estrategikoak sustatzeko sortutako ekimen bat da. Hain zuzen ere, administrazio publikoetako erosketak erabili nahi dira garapen teknologikoa bultzatzeko eta ondasun eta zerbitzu berritzaileak lortzeko.

Erosketa publikoen ikuspegi berri hau funtsezko tresna izan daiteke enpresa berritzaileak sendotzeko, balio erantsi handiagoko proposamenak egitera bultzatzen baititu sektore pribatuko enpresak, Administrazioaren proiektu estrategikoentzako konponbideak sortzeko orduan.

Osakidetzak berrikuntzaren sustatzaile izan nahi du osasun arloan CPIaren bitartez, eta osasunarekin zerikusia duten arlo teknologikoen artean, garatzeko aukera handienak ematen dituztenen alde egin.

CPIren mesede nagusiak:

  • Ondasun edo zerbitzu berritzaileak lortuta zerbitzu publikoak hobetzen ditu.
  • Enpresa-berrikuntza sustatzen du.
  • Berrikuntzaren nazioartekotzea bultzatzen du, tokiko merkatu publikoa abiapuntuko edo erreferentziazko bezero gisa erabiltzen baitu.

Erronka teknologikoak

Osakidetzak Erosketa Publiko Berritzailea bultzatu nahi du osasun arloan. Horretarako, lehentasunezko erronka teknologiko hauek zehaztu dira honako lau arlo nagusi hauen baitan:

Paziente bakoitzari erantzun indibidualizatua emateko sistemak garatzea, bai gaixotasuna prebenitzeko eta diagnostikatzeko orduan, baita tratamenduaren erantzuna pronostikatzeko orduan ere.

Horrela erabaki kliniko hobeak hartu eta pazienteentzako osasun emaitza onuragarriagoak lor daitezen.

Pazienteen bizi-kalitatea hobetzen duten erantzun berritzaileak, norbere gaixotasuna kudeatzeko autonomia gehiago emango dutenak, ahalduntzea sustatzen duten mekanismoen bidez.

Osasun sisteman arreta humanizatzea ere lehentasunezko erronka da.

Gaur egungo sistemak hobetuko dituzten erantzun inteligenteak prozesu, instalakuntza edota ekipamendu interoperableei dagokionez. Teknologia farmazeutikoa edo osasun arretarako gailuak edo prozedura mediku kirurgikoak, nahiz antolakuntza eta euskarri sistemak modu interaktiboan eta autonomoan funtzionatzen badute, asistentzia sanitarioa sinplifikatu eta optimizatu dezakete.

Asistentzia-jarduerak berak eragiten duen ingurumen- edota gizarte-inpaktua murrizten lagunduko duten produktu/zerbitzu jasangarri eta eraginkorrak garatzea. Eta osasun sistemaren ondasun eta zerbitzuen produkzioaren (eta kontsumoaren) inguruan ekonomia zirkularreko irtenbideak aurreikustea.

Azken aldaketako data:


Euskadi, auzolana