Bihotz Gutxiegitasuna

Bihotz-gutxiegitasuna gertatzen da bihotzak ezin duenean ponpatu gorputzak behar duen odol guztia.

Egoera hori konpentsatzen saiatzean, sintoma batzuk sortzen dira.

Sintomak

Aire-faltaren sentsazioa, batez ere esfortzuak egitean edo etzanda zaudenean.
Oin, orkatila eta hankak handitzea.
Nekea eta ahulezia.
Pisua handitzea, gernu kantitatea gutxitzeagatik.
Eztul lehorra, batez ere gauez.
Gauez esnatzea, arnasa hartzeko zailtasunarekin eta gorputza altxatzeko premiarekin lo egin ahal izateko.
Egunean gernu gutxi eta gauean ugari.
Jangurarik ez.

Zer egin dezaket neure burua zaintzeko?

Bizi-ohitura osasungarriak izatea

Elikadura:
- Likido kopuru egokia hartzea. Zukuek, zopek eta frutek ere kontatzen dute.
- Gatz gutxirekin jatea eta gatza duten elikagaiak saihestea (hestebeteak, kontserbak, produktu aurrekozinatuak, saltsa elaboratuak, salda-kontzentratuko pastillak…)
Egunero eta baldintza berberetan pisatzea (arropa, ordua, otorduak…) likido-erretentzioa goiz detektatzeko.
Zure gaitasunarekin bat datorren ariketa fisikoa egitea, nekerik eragin gabe (igeri egitea, oinez ibiltzea, bizikleta
Tentsio arteriala zure kasurako adierazitako balioetan mantentzea.

Agindutako medikazioa hartzea

Efektuen artean daude:

Bihotzari indartsuago ponpatzen laguntzen dio.
Arteriak erlaxatzea: odolak errazago zirkulatzen du eta bihotza gutxiago nekatzen da.
Bihotz-erritmoa edo -maiztasuna moteltzea, eta, beraz, atseden hartzea.
Gernu-kantitatea handitzea, metatutako likidoa gutxitu edo desagertu dadin.

Ez hartu antiinflamatoriorik, ezta medikamentu eferbeszenterik ere; azken horiek gatz asko dutelako.

Albo-ondorioak eragin ditzakete: eztula, zorabioa, ahultasuna… sintoma horietakoren bat nabarituz gero, kontsultatu zure erreferentziazko osasun-profesionalarekin.

Sintomak maneiatzea

Interpretatzen ikasi eta egoera bakoitzean nola jokatu jakitea.

HAU BADAUKAZU

Arnasa hartzeko zailtasuna edo urdina jartzen hasten bazara.
Aldaketak larruazalaren kolorean: zurbiltasuna, tonu urdinxka.
Arrosa koloreko flemak edo listua.
Bularrean min handia edo estutasuna.
Palpitazioak edo takikardia zorabioak edo izerdia eragiten dizutenak.
Nahasmena.
Konortea galtzea.

JARRI HARREMANETAN EMERGENTZIEKIN

Deitu:

Araba: 945 24 44 44
Bizkaia: 94 410 00 00
Gipuzkoa: 943 46 11 11
edo 112ra beste autonomia-erkidego batzuetatik

HAU SENTITZEN BADUZU

Orkatilak handituago dituzu.
Pisua irabazi duzu, 1 kg egun batean edo 2-3 kg 2 edo 3 egunetan.
Buruko gehiago behar dituzu lo egiteko.
Okerrago arnasten duzu jardueraren bat egitean.
Ohi baino eztul gehiago.
Arnasteko zailtasunak dituzu geldi egotean, edo etengabe egiten duzu eztul.
Atseden hartzen egotean txistuak edo soinuak nabaritzen dituzu bularraldean.
Gauez esnatzen zara, ezin duzulako arnasik hartu.
Zorabioak, nekea edo ahulezia.
Sukarra edo infekzioak.

ESKATU BALORAZIO BAT

Baliteke tratamendua doitu behar izatea. Jarri harremanetan:

Ohiko ordutegian: osasun-zentroko zure erreferentziako profesionalarekin.
Ordutegitik kanpo: Osasun Aholkuarekin (tel.: 900 20 30 50) edo joan zaitez zure EAGra (Etengabeko Arretako Gunera).

ZURE SINTOMAK KONTROLATUTA BADAUDE

Iconos

Jarraitu medikazioa hartzen presbrikatutako moduan.
Kontrolatu zure pisua egunero.
Jarraitu gatz gutxiko dietarekin.
Joan jarraipen-kontsultetara.
Parte hartu zure komunitateko jardueretan edo laguntza-taldeetan.
Argitu zure zalantzak zure osasun-zentroarekin edo Osasun Aholkuarekin harrema netan jarrita.