Blenorragia edo infekzio gonokozikoa

Zer da blenorragia edo infekzio gonokozikoa?

Blenorragia Neisseria Gonorrhoeae (edo gonokoko) izeneko bakteriak eragindako sexu-transmisioko infekzio bat da.

Infekzioa duen pertsona batekin preserbatiborik gabe sexu-harremanak edukitzen direnean kutsa daiteke, sexu-harreman baginal bidez edo aho-sexu bidez.

Diagnostikoa eta azterketa osagarriak

Zona genitaleko, faringe-zonako edo zona analeko —sexu-praktikak nolakoak izan diren kontuan hartuta— lagin bat behar da diagnostikoa egiteko. Zenbait kasutan gernu-lagin bat ere eska daiteke.

Sintomak

Sarrien agertzen diren sintomak: baginako fluxua handitzea, jarioa zakilean eta txiza egitean erresumina sentitzea. Emakumeen % 50 eta gizonen % 10 baino gehiagok ez dute sintomarik izaten.

Prebentzioa eta arrisku-faktoreak

Infekzio gonokozikoa edo blenorragia sexu-harremanetan preserbatiboa beti erabiliz prebenitzen da.

Tratamenduak eta zaintzak

Ahal den azkarren tratamendu espezifikoa jasotzea garrantzitsua da, infekzioak, tratatzen ez bada, konplikazioak eta osasun-arazo larriak eragin ditzakeelako.

Tratamendua erraza eta eraginkorra da. Antibiotikoak hartu behar dira.