Hipertentsioa

Tentsioa arteriala odolak arterietatik zirkulatzean egiten duen indarra da; hipertentsioa, berriz, tentsio arteriala denboran zehar normaltzat ezarritako balioen gainetik egotea da.

Normalean gaixotasunak ez du sintomarik sortzen, baina tratatzen ez bada konplikazio larriak sor datzake, hala nola bihotz- eta/edo giltzurrun- gutxiegitasuna, odoljarioa edo garuneko tronbosia.

Saiatu tentsio arteriala zure osasun-profesionalak adierazitako zifretan mantentzen; horrela, konplikazioak saihestuko dituzu.

Zer egin dezaket neure burua zaintzeko?

Bizi ohitura osasungarriak izatea

Elikadura: gatz gutxirekin jatea eta gatza duten elikagaiak saihestea (hestebeteak, kontserbak, produktu aurrekozinatuak, saltsa elaboratuak, salda-kontzentratuko pastillak…)
Ariketa fisikoa: ariketa egiteak tentsio arteriala igo ahal du. Gomendatzen da ariketa fisikorik ez egitea 180/105 baino gehiago izanez gero. Pisuak altxatuz gero, ez egin ariketa isometrikorik (mugimendurik gabe) 5 segundoz baino gehiagoz. Ondo hidratatuta egotea garrantzitsua da.
Tentsioa gomendatutako mugetan mantentzea. Artatzen zaituen taldeak balio onargarrien berri eman diezazuke. Neurtzeko aparaturik izanez gero, aldian behin kontrola dezakezu. Joan jarraipen-kontsultetara eta partekatu zure erregistroak.

Agindutako medikazioa hartzea

Efektuen artean daude:

Gorputzeko soberako likidoak eta gatza kanporatzea.
Arteriak dilatatzea: odola errazago zirkulatzen da.
Bihotz-erritmoa edo -maiztasuna moteltzen du.

Ez hartu antiinflamatoriorik, ezta medikamentu eferbeszenterik ere; azken horiek gatz asko dutelako.

Albo-ondorioak eragin ditzakete: zorabioa, eztula, ahulezia, buruko mina, beherakoa… sintoma horietakoren bat nabarituz gero, kontsultatu zure erreferentziazko profesionalarekin.

Sintomak maneiatzea

Interpretatzen ikasi eta egoera bakoitzean nola jokatu jakitea.

HAU BADAUKAZU

Mina edo opresioa bularrean, berez edo nitritoekin desagertzen ez dena.
Palpitazioak edo takikardia, zorabiatzea edo izerditzen hastea eragiten dizutenak.
Gorputz-adarren batean indarra galtzen baduzu, ahoa okertzen bazaizu edo hitz egiteko zailtasunak badituzu.
Nahasmena.
Konortea galtzea.
Ikusmen lausoa.
Buruko min handia.
Gorakoak.

JARRI HARREMANETAN EMERGENTZIEKIN

Deitu:

Araba: 945 24 44 44
Bizkaia: 94 410 00 00
Gipuzkoa: 943 46 11 11
edo 112ra beste autonomia-erkidego batzuetatik

HAU SENTITZEN BADUZU

Sudurreko odoljarioa.
Mina edo opresioa bularrean.
Mina zangosagarretan, atsedenarekin desagertzen dena.
Esfortzu txikiak egitean nekatzen zara.
Gauez esnatzen zara ezin duzulako arnasa hartu.
Zorabioak, nekea edo ahulezia.
Buruko mina, ohiko analgesikoekin joaten ez dena.

ESKATU BALORAZIO BAT

Baliteke tratamendua doitu behar izatea. Jarri harremanetan:

Ohiko ordutegian: osasun-zentroko zure erreferentziako profesionalarekin.
Ordutegitik kanpo: Osasun Aholkuarekin (tel.: 900 20 30 50) edo joan zaitez zure EAGra (Etengabeko Arretako Gunera).

ZURE SINTOMAK KONTROLATUTA BADAUDE

Iconos

Jarraitu medikazioa hartzen presbrikatutako moduan.
Jarraitu gatz gutxiko dietarekin.
Joan jarraipen-kontsultetara.
Parte hartu zure komunitateko jardueretan edo laguntza-taldeetan.
Argitu zure zalantzak zure osasun-zentroarekin edo Osasun Aholkuarekin harrema netan jarrita.