Klamidia

Zer da klamidia bidezko infekzioa?

Chlamydia trachomatis bakterioak eragiten duen sexu-transmisiozko infekzio (STI) bat da.

Preserbatiborik erabiltzen ez bada, hura harrapatzeko arriskua dago infekzioa duen pertsona batekin sexu baginala, anala edo orala izatean.

Prebentzioa

Sexu baginalean, analean eta oralean, preserbatiboa erabiltzea da klamidiak eragindako infekzioa prebenitzeko modu bakarra.

Preserbatiboa erabiltzea infekzio hau prebenitzeko oso modu eraginkorra da.

Sintomak

Hauek dira sintoma ohikoenak: baginako fluxuaren alterazioa, molestiak koitoan, zakileko jariakinak, sumindura pixa egitean, mina barrabiletan edo mukia edo odola uzkitik kanporatzea. Batzuetan, pertsonek ez dute sintomarik izaten, batez ere emakumeek.

Diagnostikoa eta tratamendua

Lagin bat hartzen da genital-ingurutik, uzkitik eta/edo faringetik, izandako praktika sexualen arabera. Batzuetan, gernu-lagin bat ere eska daiteke.

Infekzioa antibiotikoen bidez tratatzen da. Kontuan izan tratamendu egokirik gabe osasunari kaltetzen dioten konplikazio larriak gara daitezkeela. Garrantzitsua da tratamendua ahal bezain laster jasotzea eta sexu-harremanak izan dituzten pertsonak behar bezala aztertzea.