Koloneko minbizia goiz detektatzeko programa

Programari buruz

Osakidetzak programa hau eskaintzen du polipoak eta kolon eta ondesteko minbizia goiz detektatu eta tratatzeko. Zientifikoki frogatu da horrelako programek % 15-30 murriztu dezaketela kausa horren ondoriozko hilkortasuna.

Denborarekin minbizi mota horretara eboluzionatu dezaketen lesioek aldizkako odoljario txikiak eragiten dituzte, lehen begiratuan hautemanezinak direnak; beraz, horregatik egiten da gorozkietan odola dagoen aztertzeko proba.

Gaixotasunaren aurrekaririk ez duten 50-69 urte bitarteko guztientzat da. Minbizi mota hau prebenitzeko eta nork bere burua zaintzeko modu ona da programan parte hartzea.

Zer da Koloneko minbizia goiz detektatzeko programa?

Zergatik parte hartu?

Hainbat ikerketa-azterlanek erakutsi dutenez, gaixotasuna goiz detektatzen bada, bizi-kalitatea eta bizi-itxaropena hobetzen dira; aldiz, fase aurreratu batean detektatuz gero, biziraupena % 50 baino gutxiagora murrizten da. Programan parte hartzeak handitu egiten ditu hasierako fasean diagnostikoa egiteko aukerak. Gainera, gaiztotu aurreko lesioak trata daitezke, eboluziorik izan ez dezaten.

Sexuari dagokionez, gizonek emakumeek baino gutxiago parte hartzen dute programa honetan, baina lesioak izateko arrisku handiagoa dute.

EMAKUMEZKOAK: 3/10 lesio aurre-gaiztoa edo gaiztoa izango dute

Emakumearen ikonoa Emakumearen ikonoa Icono mujer Emakumearen ikonoa Emakumearen ikonoa Emakumearen ikonoa Emakumearen ikonoa Emakumearen ikonoa Emakumearen ikonoa Emakumearen ikonoa

GIZONEZKOAK: 5/10 lesio aurre-gaiztoa edo gaiztoa izango dute

Gizonaren ikonoa Gizonaren ikonoa Gizonaren ikonoa Gizonaren ikonoa Gizonaren ikonoa Gizonaren ikonoa Gizonaren ikonoa Gizonaren ikonoa Gizonaren ikonoa Gizonaren ikonoa

Nolakoa da proba?

Polipoek, adenomek eta kolon eta ondesteko minbiziak aldizka odola eragiteko joera dute, nahiz eta gehienetan odoljario hori oharkabean pasatzen den. Adierazitako proba gorozkietan odol-kantitate txikiak detektatzeko egiten da. Erraza da, ez du minik ematen, eta bi urtean behin errepikatzen da. Ehuneko handi batean da eraginkorra, baina ez % 100ean.

Osakidetzak, gutun-azal batean, etxera bidaliko dizkizu materiala, gorozkien lagina jasotzeko jarraibideak eta idetifikazio-eranskailua. Urrats guztiak bete, jarraibideetan azaltzen den bezala. Nahikoa da kantitate txiki bat analisia egin ahal izateko. Lagina osasun-zentroan entregatu aurretik, gogoratu hodiari eranskailua jartzea.

Ez da beharrezkoa zita eskatzea; zentroaren sarreran edukiontzi bat aurkituko duzu lagina bertan uzteko.

Gutuna jaso ez baduzu, jarri harremanetan programarekin: 900 840 070 telefonora deitu (doakoa) edo prevencionccr@osakidetza.eus helbidera idatzi.

Goiz hautemateak bizi-kalitatea eta bizi-itxaropena hobetzen ditu




Nola interpretatu emaitza?

Astebetean, gutxi gorabehera, emaitza zure Osasun Karpetan ikusi ahal izango duzu, edo gutun edo SMS bidez jaso. Hiru emaitza mota daude:

Emaitza negatiboa: ez dago odolik. Arazorik detektatu ez dela adierazten du, eta bi urtean berriro parte hartu ahal izango duzula.

Okerreko emaitza: ezin izan da analisia egin. Proba errepikatu behar dela adierazten du. Material guztia etxean jasoko duzu berriz.

Emaitza positiboa: gorozkietan odola dago. Gutun bat jasoko duzu eta, bertan, Lehen Mailako Arretako medikuarekin harremanetan jartzeko aholkatuko zaizu. Medikuak azterketa sakonagoa egiteko posibilitatea baloratuko du, hau da, zuri kolonoskopia bat egitea.


Kolonoskopia

Kolonoskopia proba diagnostiko bat da, polipoak edo kolon eta ondesteko minbizia detektatzeko erabiltzen dena, eta, kasu batzuetan, tratatzeko ere bai. Egia esan, gehienetan ez da osasun-arazorik ikusten.

Ospitalean egiten da, sedaziopean (farmakoek eragindako logura eta erlaxazioa) eta ingresatu beharrik gabe. Gehienek beren ohiko errutina jarrai dezakete hurrengo egunean, proba ondo toleratzen delako.

Uzkitik hodi mehe eta malgu bat sartzean datza, kolon eta ondestearen barne-pareta ikusteko, hodiak daraman kameraren bidez. Behaketan egongo zara denbora batez, eta zaindu beharreko zeinu eta sintomei buruzko informazioa jasoko duzu; ondoren, etxera itzuliko zara. Oso gutxitan gertatzen dira konplikazioak, hala nola odoljarioa eta perforazioa.

Ezinbestekoa da aurreko egunetan prestaketa espezifikoa egitea, kamerarekin ondo ikustea oztopatzen duten gorozki-hondarrak kentzeko. Osasun-zentroko erizainak azalduko dizu nolakoa den prestaketa hori. Adierazitako pautak ezin izan badituzu bete, abisatu probaren aurretik.


Azken aldaketako data: