Paziente Kroniko Konplexua

Adinak aurrera egin ahala, nahiko ohikoa da pertsona batek aldi berean zenbait gaixotasun kroniko izatea.

Hala, ez da arraroa edozein gaixotasun-konbinazio izatea, adibidez, bronkitis kronikoa, diabetesa, arteria-hipertentsioa edo bihotzeko gaixotasunak. Gainera, baliteke arazo baterako egokiak diren gomendioak kaltegarriak izatea beste arazo baterako, eta gaixotasun baten aurka laguntzen duten botika batzuk kaltegarri suerta daitezke beste batzuen aurka. Bideo honek Paziente Kroniko Konplexua zer den laburtzen du.

alt

Gaixotasunari buruz

Zer da?

Adinak aurrera egin ahala, nahiko ohikoa da pertsona batek zenbait gaixotasun kroniko izatea aldi berean.

Hala, ez da arraroa edozein gaixotasun-konbinazio izatea, adibidez, bronkitis kronikoa, diabetesa, arteria-hipertentsioa edo bihotzeko gaixotasunak. Gainera, baliteke arazo baterako egokiak diren gomendioak kaltegarriak izatea beste arazo baterako, eta gaixotasun baten aurka laguntzen duten botika batzuk kaltegarri suerta daitezke beste batzuen aurka.

Garrantzitsua da lehen mailako arretako medikuak eta erizainak egindako zainketa- eta jarraipen-plana izatea, bai zurekin eta bai beste espezialitateetako mediku zein erizainekin adostutakoa

Nola tratatzen da?

  • Hartu medikazioa adierazi eta gomendatu dizuten moduan.
  • Aldian behin berrikusi hartzen duzun medikazioa, eta adierazitako jarraibideak kontuan hartuta, aldera ezazu medikazioaren orri "ofizialean" jasotakoarekin, ondo ari zarela ziurtatzeko. "Biltegiratutako" eta dagoeneko hartu behar ez duzun medikazioa gertuen duzun farmaziara eraman behar duzu, akatsak ekiditeko.
  • Ospitaleratuta egon ondoren edo espezialistarekin kontsulta izan ostean, berrikusi eta egiaztatu aldaketa guztiak.
  • Medikazioarekin zalantzak badituzu, jarri harremanetan medikuarekin edo erizainarekin, berrikusi ahal izateko
  • Botikaren batek kalte egiten badizu edo dudarenbat baduzu, kontsultatu erizainarekin edo familia-medikuarekin, edo ohiko ordutegitik kanpo deitu Osasun Aholkura 900 20 30 50 edo Etengabeko Arretako Gunera joan zaitez. Nahiz eta beraiek tratamendua k agindu ez, lagundu ahal izango dizu.

JARRI NEUMOKOKOAREN AURKAKO TXERTOA, BAITA GRIPEAREN AURKAKOA ERE, URTERO

Txertoa eraginkorra da gaixotasuna prebenitzeko. Garrantzitsua da gripearen aurkako txertoa urtero jartzea; izan ere, ez zaizu gripea izatea komeni, zure kasuan errazago konplika baitaiteke.

Noiz deitu behar diot medikuari edo erizainari?

  • Orain arte agertu ez den min handia duzunean, bereziki toraxaren edo abdomenaren aldean
  • Nekeak, itolarriak eta aire-gabeziak gora egitea egonean zaudenean.
  • 38 gradutik gorako sukarra, edo sukarra hotzikarekin.
  • Zorabioak izatea, nahasita egotea edo erdi lo geratzea.
  • Indar gutxiago izatea gorputz-adarren batean, zutik egoteko ezintasuna, ahoko ertza desbideratzea edota hitz egiteko zailtasunak.
  • Odola gorozkietan, gorakoan edo gernuan.
  • Likidoak hartzea galarazten duen gorakoa, 24 ordu baino luzaroago.
  • Pixarik ez azken 24 orduetan.

Gehiago jakin nahi duzu?

Icono Diabetes

Paziente Kroniko Konplexuaren fitxa laburpena

Gaixotasunaren ezaugarri garrantzitsuenak ezagutu eta kontsultatu laburpen-fitxaren bidez.

Icono Diabetes

Paziente Kroniko Konplexuaren fitxa osoa

Gaixotasunari buruz gehiago jakin nahi baduzu, deskargatu fitxa osoa.


Autozainketak

Zure gaixotasunen kontrola izatea oso garrantzitsua da eta horretarako bizi ohitura osasungarria eramatea gomendio medikuak edota erizainak emandako gomendio orokorrak jarraitu behar dira. Fitxa honetan, egin beharreko aldaketak egiteko arazoak idatzi eta zuk aurkitutako konponbideak idatzi ahal izango dituzu, bizi ohitura aldaketak egiteko.

Autokontrola

Autokontrola fitxa honetan, medikuak edota erizainak esandako zenbait balore neurtu beharko dituzu. Balore hauek kontrolatzea oso garrantzitsua da , zure gaixotasunaren sintoma eta zeinu alarmagarriak ezagutu eta kontrolean izateko.

Bizi ohitura osasungarriak

Pertsona osasuntsua izateko ez da nahikoa fisikoa bakarrik zaintzea. Horretaz gain, emozionalki ondo sentitu behar gara, eta ingurune sozial lagungarria izan, errazago aurre egin ahal izateko estres- eta larritasun-egoerei.

Azken aldaketako data: