Paziente bizia programa
Zer da Paziente Bizia Programa?
Paziente Bizia-Paciente Activo programa nork bere burua zaintzen ikasteko programa bat da; horren bidez, gaixotasun kronikoak dituztenei edo horrelako gaixo bat zaintzeaz arduratzen direnei informazioa eman nahi diegu gaixotasun horiei buruz, eta erakutsi nahi diegu zein diren osasun-egoera hobetzeko izan beharreko ohiturak edo jokabideak.
Paziente Bizia-Paciente Activo programaren barne tailer batzuk eskaintzen zaizkie interesa dutenei, gai izan daitezen gaixotasuna ulertzeko, beren osasunaz arduratzeko, eta gaixotasunaren inguruan erabaki egokiak hartzeko.
Tailerretan hainbat tresna eskaintzen dira arazoei aurre egiteko eta nork bere buruari ohiturak aldatzeko helburuak jartzeko, baita teknikak ere, familiarekin eta osasun arloko profesional taldearekin komunikatzeko, erlaxatzeko eta emozioak kudeatzeko. Informazioa ere ematen da hainbat gairi buruz: ariketa fisikoa, nutrizio-argibideak, medikazioaren erabilera egokia eta gaixotasunaren inguruko oinarrizko ezagutzak.
Azken finean, tailerretan lantzen dena gaixotasunari buruzko oinarrizko informazioa da, eta herritarrei aktiboago izaten eta beren osasuna zaintzen lagunduko dieten tresnak eta trebetasunak ere bai.
Esteka interesgarriak
Ibilbide erlaxagarria:
Muskuluen erlajazio progresiboa:
Partekatu eta ikasi besteekin
Harremana izan dezakezu beste paziente edo zaintzaile batzuekin, sare sozialen bidez, informazioa eta esperientziak partekatzeko.
Paziente Aktiboa etxean ekimenari buruzko informazioa ere irakur dezakezu. Konfinamenduan zehar sortutakoa da.
Prestakuntza tailerrak
Jarraian, Paziente-Bizia programak eskaintzen dituen tailer bakoitzari buruzko informazio zehatza aurkituko duzu.
Ikastaroen baten interesa izanez gero bete ezazu eskabide inprimakia.
Argibiderik behar baduzu edo zalantzak badituzu, jar zaitez harremanetan bide hauetatik:
- e-maila: pacienteactivo@osakidetza.eus
- Telf.: 943 00 65 51
Entrenamendu Aktibo ikastaroa
Zure osasuna modu anonimoan eta ordutegirik gabe zaintzeko modu berri bat. Ikastaroa 6 astetan banatutako 6 saiotan egiten da. Konpromisoa eta dedikazioa: 30 minutu, astean 3 aldiz gutxienez.
Plataforma koordinatzen duten bi bideratzaileren laguntzarekin, eta taldekideen laguntzarekin, zure osasuna nola zaindu ikasiko duzu, bai eta eraginkorra izan ere beldur gutxiagorekin eta kalitate handiagoarekin bizitzeko, zure eguneroko erronkei aurre egiten jakinda.
Parte hartu ahal izateko, honako hauek eduki behar dituzu:
- interneterako konexioa.
- ordenagailu eramangarria edo mahai gainekoa, edo tableta.
- Posta elektronikoko kontua.
Nire osasuna aktiboki zainduz
Tailer hau edozein gaixotasun kroniko duten pertsonei edo haien zaintzaile nagusiei zuzentzen zaie.
Tailerrean 2 ordu eta 15 minutuko saioak egiten dira, astean behin, 7 astez. Aldez aurretik 1,5 orduko informazio-saioa egiten da, programari buruzkoa.
Saioak 2 monitorek zuzentzen dituzte, taldeka egiten dira, eta parte hartzekoak dira.
Nire diabetesa zaintzen
Tailer hau 2 motako diabetesa duten pertsonei edo haien zaintzaile nagusiei zuzentzen zaie.
Tailerrean 2,5 orduko saioak egiten dira, astean behin, 7 astez.
Saioak 2 monitorek zuzentzen dituzte, taldeka egiten dira, eta parte hartzekoak dira.
Osasuna zaintzen ijitoen herrian
Tailer hau ijito-komunitateko pertsonei zuzenduta dago.
Tailerrean 2 orduko saioak egiten dira, astean behin, 8 astez. Aldez aurretik ordubeteko informazio-saioa egiten da, programari buruzkoa.
Saioak 2 monitorek zuzentzen dituzte, taldeka egiten dira, eta parte hartzekoak dira.
Minbiziaren ondoren nire osasuna zaintzen
Tailer hau prozesu onkologiko batetik pasa diren pertsonei (edo haien zaintzaile nagusiei) zuzenduta dago, kimioterapia edo erradioterapia tratamendua bukatua dutenentzat (tailerra hasi baino urtebete lehenago, gutxienez).
Tailerrean 2,5 orduko saioak egiten dira, astean behin, 7 astez.
Saioak 2 monitorek zuzentzen dituzte, taldeka egiten dira, eta parte hartzekoak dira.
Nire bihotz-gutxiegitasuna zaintzen
Tailer hau bihotz-gutxiegitasun duten pertsonei edo haien zaintzaile nagusiei zuzentzen zaie.
Tailerrean 2 orduko saioak egiten dira, astean behin, 7 astez.
Saioak 2 monitorek zuzentzen dituzte, taldeka egiten dira, eta parte hartzekoak dira.
Nire ongizate emozionala zaintzen
Autozainketa hitzak aldaketa emozionalak kudeatzen ikastea esan nahi du, besteak beste.
Tailer honetan tresna batzuk ezagutuko eta jarriko dituzu praktikan, zure emozioak behar bezala ezagutzen eta kudeatzen lagunduko dizutenak, haiekin ahalik eta ondoen bizi ahal izateko.
Tailerrean 2 ordu eta 30 minutuko saioak egiten dira, astean behin, 7 astez. Aldez aurretik, programari buruzko informazio-saio bat emango da, 1,5 ordukoa.
Saioak 2 monitorek zuzentzen dituzte, taldean egiten dira eta parte-hartzaileak dira.
Azken aldaketako data: