Pediatriarako Gomendio Erabilgarrien orria
"Pixoihalengatiko dermatitisa"

Zerk da eta zerk eragiten du pixoihalengatiko dermatitisa?

Normalean haurrek pixoihalak estaltzen duen larruazalaren eremuan eta tolesduretan izaten duten hantura bat da. Larruazala gorritu egiten da, sentikorrago dago eta batzuetan zauriak ere izaten ditu. Batzuetan, haurra minduta edo haserrekor egoten da eta kexatu egiten da eremu gorritua ukitzen diotenean. Haurrek bizitzaren lehenengo urtean izaten dute, batik bat. Azkar hasten da eta ohikoagoa da larruazal sentikorra duten umeen kasuan.

Dermatitisa izaten dute substantzia narritagarriekin kontaktuan daudelako, gernuarekin eta gorozkiekin, adibidez. Higienerako erabiltzen ditugun produktu batzuen koloratzaile, lurrin, gai kimiko eta abarrek, pixoihalak larruazala igurzteak edo behar baino gehiagotan garbitzeak dermatitis hau agertzea ekar dezakete. Bestalde, haurrak antibiotikoak hartu behar izan baditu, baliteke haurrak onddoen ondoriozko infekzioa edo kandidiasia izatea pixoihalaren eremuan.

Jaitsi itzazu
gomendioak

• Pixoihala sarriago aldatu. Pixoihala aldatu bustita dagoenean, gorozkiz zikin dagoenean, edo pixoihala 2-3 orduz behin aldatu.
• Hesi-efektudun kremak erabil daitezke, zink oxidoa dutenak; larruazalera atxikitzen dira eta hezetasunarekin kontaktua izatea ekiditen dute. Krema zenbat eta oretsuagoa izan, orduan eta handiagoa izango da hesi-efektua. Ez erabili talkohautsik, zaurietan itsatsita geratzen delako eta arnastu ere egin daitekeelako.
• Ahal izanez gero, utzi pixoihalik gabe zenbait orduz egunero, dermatitisa duen eremua aire zabalean izanik.
• Ez erabili gehigarriak dituzten produktu sanitarioak, garbitu eremua uraz bakarrik, eta leunki lehortu.
• Ez igurtzi indar handiarekin eta ez erabili xaboi gehiegi eremu horretan.