GIB eta Sexu-transmisiozko infekzioak (STI)
Sexu-transmisiozko infekzioen (STI) aurkako informazio- eta sentsibilizazio-kanpaina; Osasun Sailak eta Osakidetzak sustatzen dute eta bereziki gazteei zuzentzen zaie; izan ere, 15 eta 24 urte bitartean dago 4 STI bakoitzeko 1.
Kanpaina infekzio bakoitza Tinder plataformako profil bat bezala adieraztean datza; hartan, “Ez matchik egin STIekin”, “erabili preserbatiboa” lema ageri da.
Ekimena udaren hasieran abiarazi da, aisiarako eta topaketa pertsonaletarako urteko aldirik egokienean. Era berean, diagnostiko goiztiarrak nolako garrantzia duen azpimarratzen du, eta infekzio-mota horien transmisiorik ez egoteko metodo eraginkorrena preserbatiboa dela nabarmentzen du.
Hiesa eta STI-ko plana
GIB edo beste Sexu-transmisiozko infekzioei buruz egin zure galdera, eta erantzungo dizugu.
Telefonoz: 943 00 64 64
Email bitartez: secresida@osakidetza.eus
Sidamedia buletina
Sidamedia buletina astekaria GIB/HIESAri buruzko berri guztiekin
Online kontsulta
Gizonak beste gizonekin sexua dutenen sexu bidezko infekzioetako online kontsulta
Klamidia
Ahal den azkarren tratamendu espezifikoa jasotzea garrantzitsua da, tratamendua erraza eta eraginkorra da
Blenorragia
Emakumeen % 50 eta gizonen % 10 baino gehiagok ez dute sintomarik izaten.
Birus herpesa
Normalean besikulen edo ultzeren laginak hartzen dira laborategiko azterketak egiteko.
Giza papilomaren birusa (GPB)
100 GPB mota baino gehiago daude, horietatik 15-20k gizonen edo emakumeen zona genitalean izan dezakete eragina.
Sifilia
Normalean zakilean, aluan, baginan edo uzkian agertzen da.
Tricomoniasisa
Normalean antibiotikoekin tratatzen da. Tratamendua infekzioa duten pertsonek eta euren sexu-bikoteek jarraitu behar dute.
STIrik duzula uste baduzu, joan zaitez zure medikuarengana edo zuzenean hitzordua eskatu dezakezu Osakidetzaren sexu transmisiozko infekzioen berariazko kontsulta hauetako batean.
STI Gasteizko kontsulta
- Arabako Unibertsitate Ospitalea / Txagorritxu
- José Atxotegi z/g
- 945 00 75 82
STI Bilboko kontsulta
- Bombero Etxaniz osasun-zentroa
- Bombero Etxaniz plaza, 1, 1
- 94 600 69 69 (Ahal ba da 8etatik 11etara deitu)
STI Donostiako kontsulta
- Donostia Unibertsitate Ospitalea
- Gaixotasun Infekzioen Zerbitzua
- Arantzazu eraikina
- Beheko solairua, hirugarren unitatea
- Begiristain Doktorea Pasealekua, 109
- 943 00 64 64
- 943 00 70 06
STI Mendaroko kontsulta
- Mendaro Ospitalea
- Mendarozabal, z/g
- 20850 Mendaro
- 943 03 28 45
Zer dira sexu transmisiozko infekzioak?
Sexu-transmisiozko infekzioak (STI) sexu-harremanen bidez transmititzen diren infekzioak dira (bagina- edo uzki-harremanak, aho bidezko sexua eta harreman intimoak). Bakteria, birus, onddo edo parasitoek eragiten dituzte.
STI gehienak erraz tratatu eta ekidin daitezke. Hala ere, behar bezala tratatzen ez badira, ondorio garrantzitsuak izan ditzakete.
STIek ultzerak eta larruazaleko lesioak eragin ditzakete, eta GIB transmititzen lagun dezake.
Hainbat faktorek STIak hedatzen laguntzen dute, honako hauek esaterako:
- Sintomen inguruko informazio eza eta ezjakintasuna.
- Sintomak maiz lausoak dira eta ez dira erraz hautematen.
- Batzuetan STIak ezkutatu egiten da, eta ez da neurririk hartzen.
- Aho bidez hartzen diren antisorgailuak erabiltzea, ez dituztenak STIak babesten, preserbatiboaren modukoak erabili ordez.
STIak errepika daitezke, hau da, ez dute immunitatea eragiten.
Nork izan dezake sexu transmisiozko infekzioren bat?
Sexualki aktiboa den edonork izan dezake STIren bat.
Nola jakin STIrik dudan?
Babesik gabeko sexu-harremanak izan badituzu, STIren bat duzun jakiteko modu bakarra medikuarengana joan eta horretarako probak egitea da. Infekzio horietako askok ez dute ageriko sintomarik.
Zer gerta daiteke STIak ez badira behar bezala tratatzen?
- Antzutasuna.
- Gorputzaren beste organoei (artikulazioak, bihotza edo nerbio-sistemari) eragiten dieten infekzio larriak.
- Abortuak, pisu gutxiko jaioberriak eta erditze goiztiarrak.
- Kasu batzuetan jaioberriei transmiti daitezke.
- Tumore mota batzuk giza papilomaren birusarekin (GPBrekin) lotuta daude eta, beraz, aldizka aztertzea beharrezkoa da.
Baginako fluxua areagotzea, genitaletako jariakinak, pixa egitean sumina edo hazkura izatea, genitaletan mina edo lesioak izatea STIren bat dagoela adieraz dezake.
Preserbatiboak babesten al ditu sexu transmisiozko infekzioak?
Sexualki aktiboak diren pertsonengan preserbatiboa behar bezala erabiltzea STIak ekiditeko neurri eraginkorrena da.
Ahalik eta eraginkorrena izateko sexu-harreman guztietan erabili behar da, hasieratik amaierara bitarte.
Herpes eta giza papilomaren birusaren (GPBren) kasuan, kutsatzeko aukerak murrizten ditu, baina ez ditu aukerak erabat ezabatzen, baliteke preserbatiboak kaltetutako gune osoa ez estaltzea.
STIrik badut, bikoteari jakinarazi behar al diot?
STIrik baduzu, funtsezkoa da zure bikotekideari jakinaraztea lehenengo hiru hilabeteetan, hark ere azterketa medikoa egin eta laguntza behar badu behar bezala tratatzeko.
Azken aldaketako data: