Trikomoniasia

Zer da trikomonen bidezko infekzioa edo trikomoniasia?

Trikomonen bidezko infekzioa Trichomonas vaginalis deitutako parasitoak eragindako sexu-transmisioko infekzio bat da.

Infekzioa duen pertsona batekin preserbatiborik gabe sexu-harremanak edukiz kutsa daiteke.

Emakumeetan sarrien kaltetzen diren gorputz-zatiak alua, bagina edo uretra dira, gizonen kasuan, uretra. Bai gizonek bai emakumeek infekzioa kontaktu genital estu bidez kutsa dezaketen arren, ez da ohikoa parasitoak gorputzeko beste zati batzuk infektatzea, adibidez, eskuak, ahoa edo uzkia.

Diagnostikoa eta azterketa osagarriak

Diagnostikoa egiteko, kaltetutako zona genitaleko lagin bat behar da.

Trikomonen infekzioa badugu, sexu-transmisioko beste infekzio batzuk hautemateko azterketak ere egin beharko dira, aldi berean infekzio bat baino gehiago izan ditzakegulako.

Sintomak

Emakumeen % 50k eta gizonen % 80k ez dute sintomarik.

Sintomak agertzen direnean, sintoma horiek narritadura arin batetik hasi eta hantura garrantzitsu bateraino joan daitezke. Infekzioa duen pertsona batekin babesik gabe sexu-harremana izan eta 5 eta 28 egun bitarteko tartean agertu ohi dira. Zenbait kasutan epe hori luzeagoa izan daiteke.

Prebentzioa eta arrisku-faktoreak

Sexu-harremanetan preserbatiboa erabiltzeak trikomoniasia kutsatzeko arriskua murrizten du.

Tratamenduak eta zaintzak

Normalean antibiotikoekin tratatzen da. Tratamendua infekzioa duten pertsonek eta euren sexu-bikoteek jarraitu behar dute. Garrantzitsua da tratamendua ahalik eta azkarren egitea.

5 pertsonetatik 1 inguru berriro infektatzen dira tratamendua egin eta 3 hilabeteko epearen barruan. Horregatik, tratamendua amaitu eta 3 hilabetetara mediku-kontrola pasatzea gomendatzen da.