2023-2024-2025 EPE

OHARRA!

EPE 2023-2024-2025: 2. Blokeko (41 kategoria) baldintzak/merezimenduak alegatzeko epea eta azterketen egutegia argitaratu dira 

Osakidetzako Giza Baliabideen Zuzendaritzak informazio garrantzitsu hau jakinarazten du 2023-2024-2025eko Egonkortze eta Txandakatze OPEren 2. Blokeari dagokionez (41 kategoria profesional):

1.      Baldintzak eta merezimenduak alegatzea CV aplikazioan:

CV aplikazioaren bidez baldintzak eta merezimenduak alegatzeko epea 15 egun baliodunekoa izango da: 2026ko irailaren 9tik 29ra bitartean.

2.      Azterketen datak, ordutegiak eta lekuak:

Hautaketa-prozesuetako azterketak 2026ko azaroan egingo dira, honako egoitza hauetan banatuta:

o    Aulario Las Nieves (Vitoria-Gasteiz): Azaroaren 6, 7, 8, 21 eta 22an (36 kategoria).

o    BEC - Bilbao Exhibition Centre (Barakaldo-Bizkaia): Azaroaren 27an, ostirala (5 kategoria).

Kategoria bakoitzari dagokion data zehatza, txanda eta ordutegia kontsultatzeko, deskargatu erantsitako PDF dokumentu ofiziala.

Azterketen datak, ordutegiak eta lekuak

EPE 2023-2024-2025: OINARRI ESPEZIFIKOAK - MAIATZAREN 15EKO 879/2026 EBAZPENA ALDATZEA

Gaur, 2026ko uztailaren 31an, EPE 2023-2024-2025 webgunean argitaratuko da maiatzaren 15eko 879/2026 ebazpenaren aldaketa.
Aldaketa hori 2026ko irailaren 3ko EHAAn argitaratzea aurreikusi da

23-24-25EKO EPE OHARRA: GALDERA-SORTAREN EGUNERATZEA (GOI-MAILAKO TEKNIKARI JURIDIKOA ETA LETRADU KORPORATIBOA)

23-24-25 EPEko hautaketa-prozesuari dagokionez, izangaiei jakinarazten zaie kategoria hauetako galdera-sortak eguneratu eta berriz argitaratu direla:

• Goi-mailako teknikari juridikoa
• Letradu korporatiboa

Berrikuspen hori jasotako oharrak eta erreklamazioak aztertu ondoren egin da, eta erantzun zuzen bakarrari buruzko zalantzak zituzten galderak zuzendu dira, eta bikoiztuta zeuden 10 galdera aldatu dira.

Bibliografia ere eguneratu da, Haur eta Nerabeei buruzko otsailaren 15eko 2/2024 Legea sartuz.

Zuzeneko sarbidea galdera-sorta berrietara:

Kategoria bakoitzaren dokumentu eguneratua kontsultatu eta deskargatu daiteke zure eremu pribatuan, esteka hauen bidez:

• PDF fitxategirako esteka: Zuzendutako galdera-sorta – Goi-mailako teknikari juridikoa
• PDF fitxategirako esteka: Zuzendutako galdera-sorta – Letradu korporatiboa

Halaber, dokumentuak eta bibliografia EPEaren web atarian daude eskuragarri, deialdi bakoitzeko "Argitalpenak" atalean. Ikasmateriala behin betiko argitaratzen denetik azterketa egin arteko 12 asteko gutxieneko epea errespetatuko da.

Gaur, 2026ko uztailaren 10 an, EPE 2023-2024-2025 webgunean argitaratuko dira onartutakoen eta baztertutakoen behin-behineko zerrenda jasotzen duten ebazpenak, honako kategoria hauei dagozkienak:

• ADMINISTRAZIO ETA KUDEAKETAKO GOI-MAILAKO TEKNIKARIA
• ERIZAINA
• FISIOTERAPEUTA
• LABORATEGIKO TEKNIKARI ESPEZIALISTA
• ADMINISTRARIA
• ERIZAINTZAKO LAGUNTZAILEA
• ADMINISTRARI LAGUNTZAILEA
• ZELADOREA
• ZERBITZUETAKO LANGILEA

Ebazpen horien aurkako erreklamazioak aurkezteko epea 2026ko uztailaren 13tik 2025eko uztailaren 24ra artekoa izango da, biak barne, eta, horretarako, 2023-2024-2025eko EPEko webgunean eskuragarri dagoen aplikazioa erabili beharko dute.

INFORMAZIO-OHARRA: Asteburuko proben emaitzak - ekainaren 19-21 - EPE 23-24-25

Ekainaren 22tik 23ra bitartean argitaratuko dira ekainaren 19-20-21ean Barakaldoko Bilbao Exhibition Centre-n egindako hautaproben emaitzen EBAZPENAK, EPEaren web-aplikazioan.

Hautagaiek 10 egun balioduneko epea izango dute erreklamazioak aurkezteko, onartutakoen eta baztertutakoen behin betiko zerrendaren aurkako gora jotzeko errekurtsoak ebatzi eta hurrengo egunetik aurrera. Onartutakoen eta baztertutakoen zerrendari gora jotzeko errekurtsoa jartzeko epea uztailaren 2an amaituko da. 

INFORMAZIO-OHARRA: ALEGATUTAKO BETEKIZUNAK ETA MEREZIMENDUAK EGIAZTATZEKO DOKUMENTAZIOA AURREZ AURRE BALIOZKOTZEA (14.4 OINARRIA BETEZ).

2023-2024-2025 hautaketa-prozesua arautzen duen urtarrilaren 28ko 120/2026 Ebazpenaren 14.4 oinarriak honako hau ezartzen du:

"Osakidetza-Euskal osasun zerbitzuko informazio-sistemetan erregistratutako informazioan aldez aurretik jasota ez zeuden eskakizunei eta merezimenduei dagokienez, hau da, curriculum vitae aplikaziora behar bezala digitalizatutako egiaztagiriekin 12.3 oinarrian aurreikusitako baldintzetan igo direnei dagokienez, egiaztatu ezin diren dokumentuak direnean, epe bat jarriko da, hautaketa-proben emaitzak argitaratu eta hurrengo egunetik aurrera, erregistro ofizialetan horien kopia konpultsatua aurkezteko, baliozkotu daitezen".

Hautaketa-prozesuari segurtasun juridikoa emateko, epe hori banaka jakinaraziko zaie hautagaiei (posta elektronikoz edo SMS bidez). Dokumentazioa baliozkotzeko epeak alegatutako merezimenduen hasierako aurrebaremazioaren eta izangaien azterketaren kalifikazioaren arabera irekiko dira.

Horretarako, uztailaren 20tik aurrera epea ezarriko da, gutxienez hiru hilabetekoa, izangaiek 2026ko ekainaren 22ra arte CVren aplikazioan behar bezala erregistratu eta digitalizatutako eskakizunak eta merezimenduak aurrez aurre konpultsatu eta baliozkotzeko, baldin eta ofizioz telematikoki kontrastatu ezin badira.

Inola ere ez da onartuko eskakizunak eta merezimenduak egiaztatzeko dokumentu berririk aurkeztea, baldin eta ez badaude erregistratuta sisteman ekainaren 22a baino lehen.

Beharrezkoak ez diren joan-etorriak saihesteko, aurretiko hitzorduaren sistema informatikoa ezarriko da.

Osakidetzaren webgune ofizialean ohar espezifiko bat argitaratuko da hitzorduen aplikazioa ireki dela jakinarazteko. Jakinarazpen indibiduala jasotzen duten izangai guztiek beren NAN/AIZaren bidez sartu ahal izango dira web-plataforman, aurrez aurreko hitzordua erreserbatzeko gaituta dagoen egiaztatzeko.

EPE 2023-2024-2025: OINARRI ESPEZIFIKOAK - MAIATZAREN 15EKO 879/2026 EBAZPENA ALDATZEA

Gaur, 2026ko ekainaren 12an, EPE 2023-2024-2025 webgunean argitaratuko da maiatzaren 15eko 879/2026 ebazpenaren aldaketa.

 Aldaketa hori 2026ko ekainaren 19ko EHAAn argitaratzea aurreikusi da

23-24-25. EPE: GALDERA-SORTAK ETA BIBLIOGRAFIA ARGITARATZEA

23-24-25 EPEko hautaketa-prozesuari dagokionez, ikasketa-materialari buruzko informazio hau helarazten dizuegu:

Azterketen galdera guztiak, teorikoak zein praktikoak, Osakidetzaren webgunean argitaratutako galdera-multzotik aterako dira (galdera-sorta). Galdera-sorta hori, dagokion bibliografiarekin batera, EPEaren webguneko zati publikoan egongo da eskuragarri, deialdi bakoitzaren barruan.
Materialetarako sarbidea: galdera-sorta eta bibliografia kontsultatzeko, hautaketa-atarira sartu eta haren kategoria aurkitu beharko duzu orri nagusiaren behealdean:

1. Sartzeko esteka: EPE atarirako sarbidea
2. Bilaketa: bilatu 23-24-25 EPEko deialdia eta hautatu kategoria.
3. Kontsulta: kategoriaren barruan, informazioa eskuragarri egongo da "Argitalpenak" atalean.

Eskuragarritasun-epea: Izena emateko epea datorren asteartean, 2026ko ekainak 2, irekiko da, eta horrekin batera galdera-sorta eta bibliografiaren argitalpena hasiko da. Material horiek pixkanaka sartuko dira web-orrian, izena emateko eskabideak aurkezteko epean.