Kalitatearen Kudeaketarekin konpromisoa hartuta

Vitoria-Gasteizko EUEren jokabide-irizpidea da ikasleak direla eskolaren izateko arrazoia, eta hezkuntza-bikaintasuna, bere zeregina.

Goi Mailako Ikastegia izaki, eskolaren betebeharra da ezagutzaren erronkei erantzungo dien prestakuntza eskaintzea, transformazio-eragile gisa jardutea eta gizartearen uneko eta etorkizuneko beharrei erantzutea.

Edozein Erakunderen kasuan gertatzen den bezalaxe, eskolak ulertzen du bere Misioan emaitza bikainak lortuko baditu, bezeroenganako orientazio argia izan behar duela oinarri, prozesuen bidezko kudeaketa eraginkor eta efizientearekin, Kudeaketa Aurreratuko Ereduaren barruan.

Zuzendaritza-estiloak ingurune-baldintza egokiak sortu behar ditu, ikasleak, irakaskuntzako eta ikerketako pertsonala (IIP) eta administrazio eta zerbitzuetako pertsonala (AZP) gustura aritu daitezen eta, era berean, pertsonen gaitasunak, ezagutzak eta konpetentziak garatu daitezen, Vitoria-Gasteizko EUEren eta Osakidetza-Euskal Osasun Zerbitzuaren Estrategiarekin bat.

Lidergoaren bidez zuzendu eta bultzatu behar da Estrategia, pertsonen inplikazioaren bidez gauzatuko dena; eraginkortasunez jardunez; ikasleekiko harremanak landuz, haiek bezeroak baitira; euskal gizartea kontuan hartuz, han jardungo baitute, eta gizartearekiko konpromisoa onartuz; baliabideak eta ideiak kudeatuz; eta, orobat pertsonen potentzial berritzailea kudeatuz eta proiektu berritzaileak gauzatuz.

Lankidetzan oinarritutako ikaskuntza-irakaskuntza ereduak eskainiko dira, dinamikoak eta eguneratuak, ikasleengan zentratuta. Horiek Goi Mailako Hezkuntzaren Europako Espazioaren beharrei erantzungo diete eta diziplina-ezagutza garatzen, ezagutarazten eta aplikatzen lagunduko dute, Goi Mailako Hezkuntzako Instituzioek gizartearekin duten konpromiso sozialari erantzuteko.

Horren guztiaren helburua emaitza onak eta orekatuak lortzea da interes-talde desberdinentzako, eboluzionatzen, eraldatzen eta haien lehiakortasuna eta jasangarritasuna finkatzen laguntzeko, berrikusketaren eta etengabeko hobekuntzaren ikuspegitik, betiere: Planteatzea, Abiaraztea, Ebaluatzea eta Doitzea.