Eskualde Garapeneko Europako Funtsa (EGEF)

Eskualde Garapeneko Europako Funtsa (EGEF) Europako kohesio-politikaren finantza-tresna nagusietako bat da. Europako eskualdeen garapen-mailen arteko aldeak murrizten laguntzea eta eskualde behartsuenen bizi-maila hobetzea du helburu. Arreta berezia jartzen zaie desabantaila natural edo demografiko larri eta iraunkorrak pairatzen dituzten eskualdeei, hala nola iparraldeko eskualdeei, biztanleria-dentsitate txikia baitute, eta uharteetako, mugaz gaindiko eta mendiko eskualdeei.

Euskal Autonomia Erkidegoko EGEF Programa 2021-2027

Euskal Autonomia Erkidegoko 2021-2027 aldirako EGEF Programaren helburuak dira Euskal Autonomia Erkidegoaren eraldaketa teknologiko-digitala bultzatzea, RIS 3 Euskadi 2030 Espezializazio Adimentsuaren Estrategiarekin bat etorriz, eta Euskadiko eraldaketa energetiko-klimatikoa bultzatzea, Basque Green Deal ekimenarekin eta Europako Itun Berdearekin bat etorriz, Euskadi berdeagoa eta digitalagoa eraikitzen laguntzeko, Europa kohesionatuago eta erresilienteago batean integratuta. Horretarako, 1. helburu politikoan bildu ditu bere jarduerak: Europa lehiakorragoa eta adimentsuagoa eta 2. helburu politikoan: Europa berdeagoa.

Eskualde Garapeneko Europako Funtsak (EGEF) kofinantzatutako Osakidetzaren jarduerak

Osakidetzak, Osasun Sailaren mendeko zuzenbide pribatuko ente publiko gisa, helburu hauetan parte hartzen du EAEko 2021-2027 EGEF Programan:

2. Helburu politikoa: Europa berdeagoa.

  • 2.1. Helburu zehatza: Energia-efizientzia eta energia-iturri berriztagarrien erabilera sustatzea eraikin publikoetan, eta inbertsioak egitea ekimen berritzaileetan.
    • 2.1.1. Lehentasunez, P2A. Trantsizio berdea
      • 2.1.1.1. Helburu zehatzak: RSO2.1 Energia-eraginkortasuna sustatzea eta berotegi-efektuko gasen emisioak murriztea. (EGEF)
        • 2.1.1.1.1. Funtsen interbentzioak. Energiaren eta baliabideen erabilera eraginkorra funtsezko alderdia da ingurumen-jasangarritasunean eta karbono gutxiko ekonomiarako trantsizioan aurrera egiteko erakundeen apustuan, berotegi-efektuko gasen emisioen neutraltasuna lortzeko 2050erako, Europar Batasunaren konpromisoekin bat etorriz.

Programaren 5. erronkari jarraikiz, energia-efizientzia hobetzeko, energia-iturri berriztagarriak erabiltzeko eta eraikin publikoetan berotegi-efektuko gasen emisioak murrizteko inbertsioak babestea planteatzen da, bai eta proiektu pilotuetan eta/edo energia-efizientziaren arloko ekimen berritzaileetan inbertsio publikoak egitea ere, eragin eredugarria eta erreplikagarria dutelako.

Azken aldaketako data: