Ingurumen-kudeaketa
Eskolaren ingurumen-jasangarritasunaren arloko jarduerak gure jardueraren ondoriozko inpaktua kudeatzera bideratuta daude. Horregatik, lan hori gure Kalitatea Bermatzeko Barne Sisteman (SGIC) integratuta dago, 6.4 prozeduraren eta Eskolaren Ingurumen Politikaren bidez, eta horiek baliabideak murriztu, berrerabili eta birziklatzera bideratuta daude. Helburua da kontsumo arduratsua lortzea, hondakinak minimizatzeko eta gure hezkuntza-komunitate osoaren sentsibilizazio aktiboa sustatzeko, oinarrizko kontsumo-arauen eta gure ekintzen bidez.
Konpromiso horren adierazgarri, Eskola Vitoria-Gasteizko Udalaren Itun Berdearen Erkidegoaren parte da. Aitorpen horrek bermatzen du klima-inpaktua minimizatzen duen, ekonomia zirkularra sustatzen duen eta gure inguruneko ingurumen-erantzukizuna indartzen duen zentro-eredu baten aldeko apustua.
Zure uniformeak badu oraindik zer kontatu
Ingurumenarekin dugun konpromisoaren baitan, Eskolak "Gradu Amaiera Jasangarria" proiektua martxan jarri du. Helburua bikoitza da: egoera onean dauden ehun-hondakinak zakarrontzira botatzea saihestea eta, aldi berean, gure ikasleen artean jasangarritasuna eta elkartasuna sustatzea, praktiketan bakarrik erabiltzen diren jantziak berrerabiliz.
Zertan datza?
Hori lortzeko, "Praktiketa-Uniformeen Bankua" sortu da. Ekonomia zirkularreko ekimen honen bidez, honako hau egin nahi da:
- Gradua amaitutakoan, praktiketako uniformea ematea .
- Jantziari bigarren bizi bat ematea, beste pertsona batek erabili dezan.
Dohaintza eta Bilketa
- Egutegia eta entrega-puntua: Maiatzean eta ekainean zehar, seinaleztatutako edukiontzi bat egongo da sarrera nagusian. Hala ere, ikasturteko edozein unetan utzi daiteke Idazkaritzan.
- Entregatzeko baldintzak: Eskolako uniforme ofizialak bakarrik onartuko dira. Garbituta eta egoera onean entregatu behar dira (haustura nabarmenik gabe).
Banaketa eta Esleipena
Materialaren banaketa ikasturte hasieran egingo da (iraila/urria), baldintza hauekin:
- Lehentasuna: : Eskariari erantzungo zaio, eskaera-ordenaren arabera eta uniformeak agortu arte.
- Kontaktua: Bidali mezu elektroniko bat gai honekin: “Praktika-uniformeen bankua”.
- "Etengabeko Mailegu" sistema: Uniformea doan ematen da. Ikasleak konpromiso hau hartzen du: zentroan bere erabilgarritasuna amaitzean, uniformea berriro bankura itzultzea egoera onean, hurrengo erizaintzako promozioek erabili dezaten.
| MURRIZTU | |||||
|---|---|---|---|---|---|
| 2025/2026 | 2024/2025 | 2023/2024 | 2022/2023 | 2021/2022 | 2020/2021 |
| Praktiketako Uniformeen Bankua sortzea: ingurumenarekiko eta gizartearekiko konpromisoa sustatzen duen ekimena da, ehun-hondakinak saihestuz. Ikasleek, ikasketak amaitzean erabilitako uniformeak bilduz eta jantziak doan banatuz ikasturtearen hasieran. | Bainuetako fluoreszenteen ordez, LED luminariak jarri dira, argiaren kontsumoa murrizteko. | C kalifikazioa duten eraikinen energia-ziurtagiria lortzea. Jaulkipen-data 2022/09/19koa da eta 2032/09/19ra arte balio du. Energia primarioaren kontsumoa 204 kWh/m² da urtean, eta CO2 emisioak 40 kgCO2/m² urtean. | Inprimagailu-aldaketa kontsumo guztiak murrizteko (% 96 energia gutxiago, % 92 CO2 gutxiago eta % 94 hondakin gutxiago) eta ozono gasik gabeko teknologia ekologikoa dakartenak. | ||
| BERRERABILI | |||||
| 2025/2026 | 2024/2025 | 2023/2024 | 2022/2023 | 2021/2022 | 2020/2021 |
| Caritasentzat, egoera onean dauden jostailuen bilketa, baliabide mugatuak dituzten familiei banatzeko. Egoera onean dauden zuekoak jasotzea (armairu eta biltegietatik), sailkatu, desinfektatu eta datorren ikasturte hasieran doan banatzeko. |
Afrikako Adurza Elkartearentzat elikagaiak eta askotariko materiala biltzea. | Caritasentzako materiala biltzea bezalako ekintzak sendotu dira, ekonomia zirkularra sustatzeko eta alferrik ez galtzeko. | Hainbat material biltzea Caritasentzat, iazko ikasturtearen ildotik. Bulegoetatik kentzen diren altzari txikiak pertsonei eskaintzen zaizkie. |
Caritasentzako jostailuak, neguko arropak, eskolamateriala eta liburuak (ipuinak eta eleberriak) biltzea, jendaurrean eskerrak emanez bere webguneari. Eskolak Facebooken argitaratzen du. | Jostailuak eta neguko arropa biltzea Cáritas elkartearentzat (esker onak Facebook eta Instagram sare sozialen bidez). |
| BIRZIKLATU | |||||
| 2025/2026 | 2024/2025 | 2023/2024 | 2022/2023 | 2021/2022 | 2020/2021 |
| Atseden-gelan ikus-kartelak instalatzea, edukiontzi bakoitzera zer hondakin doan identifikatzeko. Helburua, jatorrian ondo banantzea eta egunerokotasunean ohitura iraunkorrak sustatzea da. | Barne-erabilerako koadernoak egitea, alde bakarretik inprimatutako orriak baliatuz. | Lankidetza Arabako ESIarekin, Txagorritxuko egoitzarekin, era guztietako materialen birziklapena etengabe kudeatzeko. | Aldaketa mota guztietako materialen birziklapena kudeatzeko moduan, Arabako ESIarekin lankidetzan (Txagorritxu egoitza). | Iraunkortasun eta Konpromiso Sozialeko Zuzendaritzarekin harremanetan jartzea, Gipuzkoako Campusean maskarak birziklatzeko bilketa abian jartzeari buruz. | Egoki birziklatzeari buruzko hitzaldia, Vitoria-Gasteizko Udalarekin lankidetzan. |
| INFORMAZIOA ETA SENTSIBILIZAZIOA | |||||
| 2025/2026 | 2024/2025 | 2023/2024 | 2022/2023 | 2021/2022 | 2020/2021 |
| Instagramen eta halleko pantailan bideo bat jartzea, ekainaren 5ean, Ingurumenaren Munduko Egunarekin batera, Eskolako 4Rak (gazteleraz) ikusarazteko eta sustatzeko, eta bidez batez, ikasleen artean sentsibilizazioa sustatzeko. | Zona WAO dokumentalaren proiekzioa. | Kontaktua Ekuadorrekin jarduera bat hasteko. | Medicus Mundi Arabarekin lankidetzan egindako zineforum zikloa. | Kartel berriak jartzea eta ikasleei mezu elektronikoa bidaltzea. | |
| MUGIKORTASUNA | |||||
| 2025/2026 | 2024/2025 | 2023/2024 | 2022/2023 | 2021/2022 | 2020/2021 |
| Bisitariei barneko aparkalekua erabiltzeko baimena ematea, alferrikakoak diren ibilbideak eta emisioak saihestuz. | Aparkalekuko plaza seinaleztatzea, mugikortasun urriko pertsonentzat. | Bizikleten aparkalekura sartzeko arrapala berria eta Mugikortasunaren Europako Asteari buruzko informazioa. | |||
- EHUagenda: garapen jasangarrirako agenda
- Planeta Campusa plana (EHU)
- Jasangarritasunaren alorreko prestakuntza presentziala eta online unibertsitateko komunitatearentzat EHUtik
Azken aldaketako data:
