Organoak ematea

Sarrera

  • Organoak ematea ekintza solidario eta altruista da.
  • Osasun-arazoak konpontzeko beste alternatibarik ez daukatenentzat, organoak eta ehunak transplantatzea da tratamendurik eraginkorrena.
  • Gaur egun, milaka pertsona daude transplante baten beharrean bizitzen jarraitu ahal izateko edo euren bizi-kalitatea hobetzeko.

Nor izan daiteke organo-emailea?

  • Aldez aurretik hala adierazita, hildakoan bere organoak beste batzuen bizia salbatu edo bizitza hobetzeko balioko dutela erabakitzen duen edozein pertsona izan daiteke emaile.
  • Emaileak ospitale batean hiltzen diren pertsonak dira eta, bertan, emaileen balorazio zuzena egiteko behar diren probak burutzeko aukera dago.
  • Ez dago emailea izateko adin-mugarik.
  • Mediku-taldea izango da ebatziko duena, behar diren proba guztiak eginda, hildakoa emailea izan daitekeen eta zeintzuk diren erabil daitezkeen organoak.

Zeintzuk dira eman daitezkeen organoak?

  • Organo hauexek eman daitezke: giltzurrunak, gibela, bihotza, prankea eta birikak.
  • Horretaz gain, ehunak ere eman daitezke, besteak beste: korneak, hezurra, larruazala eta odol-hodiak.
  • Transplanteak osasun arloko agintariek baimendu eta kontrolatutako ospitaletan baino ezin daitezke egin.

Nola egin organo-emaile

  • Emaile izan nahi baduzu, zure erabaki hori senide hurkoenei jakinaraztea besterik ez duzu.
  • Beti galdetuko diete beraiei eta, hortaz, zure erabakia betetzeko bermea izango dira.
  • Transplanteei buruzko Legearen arabera, Espainian denok gara emaileak bizirik gaudela aurkakoa adierazi ez badugu behintzat, baina halabeharrezkoa da senide edo hurkoenei galdetzea hildakoaren borondatea zein zen organoak emateari dagokionez.
  • Egia esan, beti errespetatzen da familiaren erabakia, eta, erantzuna baiezkoa izanez gero, familia-baimena deritzoguna sinatu behar du.

Bizirik egonda organoak ematea

  • Bizirik egonda, organoak emateko aukera dago legeak ezarritako baldintzak betetzen badira.
  • Emailea adinez nagusia izan behar da eta osasun fisiko eta mental ona eduki behar du.
  • Legeak bermatzen ditu erabaki-askatasuna, borondatezkotasuna, doakotasuna eta altruismoa.
  • Kasu bakoitzak ezaugarri bereziak izanik, zalantza guztiak gaixoaren ardura duen mediku-taldearekin kontsultatu behar dira.

Nola egin organo-emaile karneta

Emiale irudia

Azken aldaketako data:

Eman nahi dut