Aldi baterako kontratazioa

Aldi baterako kontratazioa langileak hautatzeko eta hornitzeko prozesu bat da, eta Osakidetzaren aldi baterako kontratazio-beharrei erantzuteko profesionalak hartzea du helburu.

Bai zerrendak egiteko, bai aldi baterako izendapenak kudeatzeko, berdintasun-, merezimendu-, gaitasun-, eraginkortasun- eta arintasun-printzipioak bete behar dira, bai eta objektibotasuna eta gardentasuna ere.

Aldi baterako kontratazio-zerrendak

Berriro argitaratzen dira 2023ko abenduaren 31n eguneratu ziren kategoria/lanpostu funtzional guztien zerrendak (Fakultatibo Medikoaren lanpostu funtzionalen integrazioak barne, baita Psikologia Klinikoko FETen, Ospitaleko Farmaziako FETen, Erizaintza eta bere espezialitateen eta Fisioterapiako integrazioak ere), eskatzaileek 2023ko abenduaren 31n hautatutako destinoetan atzemandako akatsak zuzendu ondoren.

Ondorioz, gora jotzeko errekurtsoa aurkezteko epea irailaren 6ra arte luzatzen da, egun hori barne.

Gaur, uztailaren 11n, argitaratuko dira kategoria/lanpostu funtzional guztien zerrendak, 2023ko abenduaren 31n eguneratuta, baita Fakultatibo Medikoak lanbide-taldeari dagozkion kategoria/lanpostu funtzionalen zerrendak eta beste hauei dagozkien zerrendak ere (izen-emate berriak sartuta)Psikologia Klinikoko F.E.T., Ospitaleko Farmaziako F.E.T., Erizainak eta Erizaintzako espezialitateak eta Fisioterapeutak.

Zerrenda horiek uztailaren 12an jarriko dira indarrean.

Gora jotzeko errekurtsoa jartzeko epea abuztuaren 12ra arte, egun hori barne.

LASTER, kategoria guztien zerrendak eguneratuko dira 2024ko ekainaren 30eko dataren arabera, eta 2018-19ko EPEan sartutako kategorien zerrendak EPE horretan lortutako nota kontuan hartuta eguneratuko dira, maiatzaren 3ko 314/2024 Ebazpenean zehaztutako baldintzetan; ebazpen horren bidez, maiatzaren 19a ezarri zen integratzeko muga-egun gisa.

KONTRATAZIO-ZERRENDETAN SARTZEKO INSKRIPZIO BERRIEN MUGA DATA

Osakidetzako Giza Baliabideen zuzendariaren maiatzaren 3ko 314/2024 Ebazpenaren bidez, maiatzaren 19a ezarri da data muga-egun gisa 2018-19 EPErako deitutako kategoria/lanpostu funtzionalen kontratazio-zerrendetan egindako izen-emate guztiak sartzeko.

Kontratazio-zerrendetan egokiro sartzeko, kategoria/lanpostu funtzionala betetzeko eskatzen diren baldintzak bete beharko dira.

Kategoria/lanpostu funtzional horien kontratazio-zerrendetan izena emateko eskaerarik eginda ez duten pertsonek, estatutupeko langile finko izaera lortu ez badute, zerrenda horietan sartu ahal izateko, inskripzio-eskaera aurkeztu beharko dute epe eta modu egokian.

Kategoria/lanpostu funtzional horietan indarrean dauden aldi baterako kontratazio-zerrendetan dagoeneko onartuta dauden pertsonek ez dute izena emateko eskaera berririk egin behar, baina hautatutako zerbitzu-erakundeak eta osasun-esparruak alda ditzakete eskabidean. Eskabidean aldaketak egiteko, sartu zaitez atal honetan: datu pertsonalak/jakinarazpenak/deialdiko datuak. EZ EZEZTATU zeure eskaera.

Izena emateko eskaera aldez aurretik egin duten eta baztertuak izan diren pertsonek berriro aurkeztu beharko dute eskaera, muga-egun gisa ezarri den datarako (2024ko maiatzaren 19a) baldintzak betetzen ote dituzten baloratu ahal izateko.

2018-19 EPEan DEITUTAKO KATEGORIA/LANPOSTU FUNTZIONALEN KONTRATAZIO-ZERRENDAK BERRANTOLATZEA

Era berean, zerrenda horiek BERRIZ BAREMATUKO dira, honako hauek kontuan hartuta:

2018-19 EPEko oposizio-faseari dagokion puntuazioa, oraingo zerrendako oposizio-faseko puntuazioa ordezkatuko duena,
Osakidetzatik kanpo lortutako lan-esperientzia, EPE honetan izena emateko epearen azken egunera arte alegatu eta egiaztatzen bada (Ebazpenaren I. eranskinean adierazitako data),
Osakidetzan 2024ko ekainaren 30era arte lortutako lan-esperientzia (ofizioz eguneratzen da),
2024ko ekainaren 30era arte egiaztatutako hizkuntza-eskakizunak eta euskara-tituluak.
eta muga-egunera arte Zerbitzu Erakundeen eta Osasun Esparruen aukeraketan egindako aldaketak ere sartuko dira.

Ebazpena ikusteko, sar zaitez aplikaziora.

EUROPAR BATASUNAZ KANPOKO FAKULTATIBO MEDIKOAK ETA ERIZAINAK ALDI BATERAKO KONTRATAZIO-ZERRENDETAN IZENA EMATEKO ESKABIDEA EGITEKO NAZIONALITATE-BETEKIZUNETIK SALBUESTEA

Europar Batasunaz kanpoko Fakultatibo Medikoei eta Erizainei jakinarazten zaie Osakidetzako aldi baterako kontratazio-zerrendetan izena emateko eskaera egin dezaketela, betiere espezialite medikoen eta erizaintzako langileen kategoria/lanpostu funtzional jakin batzuetan sartzeko homologatutako titulazioaren betekizuna betetzen badute.

Informazio gehiago nahi izanez gero, sartu aldi baterako kontratazio-zerrenden aplikazioan.

Aplikazioan sartzea

ERABAKIA, 2023ko urriaren 31koa, Osakidetza-Euskal osasun zerbitzua ente publikoaren administrazio kontseiluarena, zeinaren bidez onartzen baita Osakidetza-Euskal Osasun testu bategina, Osakidetza-Euskal osasun zerbitzuan aldi baterako kontratazio-zerrendak prestatu eta kudeatzekoa, 2023ko irailaren 28ko mahai sektorialean onartutako aldaketekin.

2021eko ekainaren 25eko Osasuneko Mahai Sektorialaren akordioak, biltzen duena:

Protokoloa.- Asteburuetarako, jaiegunetarako eta premiazko egoeretarako kontratazioak

Protokoloa.- Oporrialdietarako aldi baterako kontratazioen erreserbak

Protokoloa.- Telefono-deiak egitea izendapen luzeen zerrendako izendapenak eskaintzeko

Protokoloa.- Telefono-deiak egitea izandapen laburren zerrendako izendapenak eskaintzeko

Osakidetzako zuzendari nagusiaren irailaren 22ko 1168/2021 ebazpenaren bidez, 2021eko aldi baterako kontratazio-zerrendak eratu dira, eta izena emateko epea ireki da.

1227/2021 ebazpena, urriaren 1ekoa, Osakidetzako Zuzendari Nagusiarena, zeinaren bidez 2021eko aldi baterako kontratazioko zerrendak berriz irekitzen diren eta izena emateko epea luzatzen den.

1269/2021 Ebazpena, urriaren 4koa, Osakidetzako Zuzendari Nagusiarena, zeinaren bidez baliogabetzen diren 2021eko aldi baterako kontratazioko zerrendetan egindako izen-emateak, arazo teknikoak tarteko.

HARREMANETARAKO:

2021lp-lc@osakidetza.eus

DOKUMENTU INTERESGARRIAK (irakurri arretaz)