Etengabeko Arretako Guneak (EAG)

Zer dira?

Osasun-zentroko ordutegitik kanpo edo jaiegunetan bizi-larrialdiak ez diren egoerak artatzen dituzten zentroak dira. Gaixo akutu eta kronikoei ere eskaintzen diete arreta osasun-premien arabera, betiere osasun-zentroko ordutegitik kanpo bada.

Ospitalez kanpoko premiazko arreta-gune horiek familia-medikuntzako, erizaintzako eta administrazioko langileek osatzen dituzte.

Nor joan daiteke zentro horietara?

Bere osasun-zentroko ohiko ordutegitik kanpo urgentziazko osasun-arreta behar duen edozein persona, baina bizi-larrialdia ez bada.

Hitzordua eskatu behar da?

Ez da hitzordurik behar. Osasun-txartela (OTI) eta NANa bakarrik eraman behar dira. Eta injektagarriak edo sendaketak egiteko, ezinbestekoa da erizaintzako tratamendu-ordenaren bolantea.