Ikasle bisitariak

Vitoria-Gasteizko Erizaintzako Unibertsitate Eskolak kalitatezko prestakuntza jasotzeko aukera ematen die mugikortasun-planetan parte hartzen duten ikasleei, Osakidetza-Euskal osasun zerbitzuko lan-inguru profesionaletan egonaldi klinikoak egiteko aukerarekin batera.

Hala, ikasle bisitariek praktikak egin ahal izango dituzte akutuen ospitaleetan, osasun-zentroetan eta osasun mentaleko sarean. Gainera, egonaldiak egin ahal izango dituzte Arabako zentro soziosanitarioetan, hala nola eguneko zentroetan eta iraupen luzeko zaintzetan espezializatutako egoitzetan. Esperientzia horiei esker, zaintzaren ikuspegi integrala garatu ahal izango dute bizi-zikloaren edozein etapatan.

Vitoria-Gasteiz: esperientzia berezia bizitzeko lekua

Vitoria-Gasteiz Euskadiren bihotzean dago, eta kulturaren, kirolaren eta naturaren arteko aparteko konbinazioa eskaintzen du. Hala, kontzertuez eta jaialdiez gozatu, Erdi Aroko alde zaharra esploratu, biziz eta xarmaz betetakoa, edota aire zabalean edo zentro zibikoetan kirola egin ahalko duzu (eskalada, igeriketa...).

Eta ingurunez aldatzeko gogoa izanez gero, hainbat hiri dituzu ondo-ondoan! Bilbo, Guggenheim museo ospetsuarekin; Iruñea, hain ezaguna Sanferminengatik; eta Donostia, mundu osoan ezaguna bere edertasun eta gastronomiagatik!

Zatoz eta deskubritu gure hiria; non tradizioak bat egiten duen modernitatearekin, eta non beti izango duzun ikasteko zerbait berria.

"Oso zoriontsu sentitzen naiz esperientzia hau bizitzeko aukera izateagatik, bai eta beste osasun-sistema batetik ikasteko aukera izateagatik ere. Praktika indibidualagoak egin eta erizaintzako tutore bikain, enpatiko eta profesionalekin lan egin izan ahal dut."

"Beti lagundu zidaten zailtasunen aurrean egokitzen, izan ere, batzuetan galduta nengoen ospitalearen funtzionamenduarekin, protokoloekin eta materialekin, ezberdinak baitira nire herrialdeko praktikekin alderatuta. Oso pozik nago, halaber, hirian eta beste herrialde batzuetan egin nituen lagunengatik ere, beste leku batzuetan ibili eta horiek ezagutzeko aukera baliatzen baikenuen. Espero dut haiekin harremanetan jarraitzea, egunen batean elkar ikusteko berriro ere. Esperientzia honek onura izugarriak eman dizkit: poz handia, independentziarako trebetasunak, indar mentala, ausardia eta harrotasuna neure buruarekin, ausartzeagatik. Pertsona gisa eta modu profesionalean garatu naiz, eta hori ez dut inoiz ahaztuko, eta betiko eskertuko dut."

"Gasteizen izandako bizipenak oso aberasgarriak izan dira ere gastronomiaren, hizkuntzaren eta kultura-trukearen ikaskuntzaren aldetik. Gainera, unibertsitateak hainbat baliabide ditu lagunak ezagutzeko, eta, zalantzarik gabe, nire oroimenean geratuko dira betiko (pertsona boluntarioak daude nazioarteko ikasleentzako laguntza-txatak eta -jarduerak sortzeko, eta, beraz, ez zaizu inoiz planik faltako). Asko gustatu zitzaidan hiria, alde zaharra oso xelebrea da, bere ohiturak, garraio-sistema ona eta inguruko hiriekiko duen lotura, bai eta asteburuetan sortzen den bizitza soziala eta unibertsitarioa ere. Zalantzarik gabe, truke-ikasle gisa joatea gomendatzen dut, eta itzuliko nintzateke, pentsatu gabe."

Constanza Paz Hernández Bucher
Santiago de Chileko UDDko Erizaintza Fakultateko ikaslea, ikasle-trukean Vitoria-Gasteizko EUEn.

Kontaktuak

Azken aldaketako data:

Mugikortasuna