Osakidetzako Gorlizko Ospitaleko Geriatriako Unitateak Premio Personas Mayores saria jaso du DomusVi: Ser mayor tiene premio ekitaldiaren bigarren edizioan. Saria, hain zuzen ere, lanaren aitortza egiteko eta adinekoen beharren inguruan gizartea kontzientziatzeko ematen da.
Lortutako sariak, beraz, Gorlizko Ospitalearen esperientzia luzeari eta sektorean erreferentea izateari egiten dio aitortza, eta sariaren erakusgarri bihurtzen du, sari honek helburu baitu urtero aldarri egitea adinekoen alde eta zahartzaroaren alde, bizitzaren zati baliotsua izaki.
Gorlizko Ospitaleko osasun-arloko profesionalek eta zuzendaritza-taldeko kideek Bilboko DomusVi Arbidea adinekoen egoitzan jaso zuten saria, Adinekoen Nazioarteko Eguna ospatzeko antolatutako ekitaldian, egun horrekin aldarrikatu nahi baita kolektibo honek gure gizartean duen zeregin ezinbestekoa.
