Emergentzia Pediatrikoen Diziplinarteko Taldea (EPDT)

Emergentzia Pediatrikoen Diziplinarteko Taldea (EPDT) hainbat maila asistentzialetatik (LMA, Emergentziak eta Garraio Sanitarioa eta Ospitaleko larrialdi pediatriakoak) larrialdi edo emergentzia pediatrikoei aurre egin behar dieten Osakidetzako zenbait profesionalek osatzen dute, besteak beste: pediatrak, erizainak, farmazialariak, familia-medikuak eta Emergentzietako eta Garraio Sanitarioko langileak.

EPDTren lanaren emaitza ospitalez kanpoko larrialdi eta emergentzia pediatrikoei arreta ematera bideratuta dago berariaz .

Taldearen HELBURUAK hauek dira:

HELBURU OROKORRA

• Ospitalez kanpoko eremuan asistentzia sanitario urgentea behar duten pediatriako pazienteen arreta eta segurtasuna hobetzea.

HELBURU ZEHATZAK

• Asistentzian aldakortasuna murrizten laguntzea, tresnen, lan-prozeduren, protokoloen eta laguntza-tekniken bidez.
• Pediatriako larrialdietan arreta emateko, osasun-zentroetan behar diren baliabideei buruzko gomendioak egitea: larrialdietako orgaren materiala, dokumentazioa, informazio- eta komunikazio-baliabide teknologikoak, etab.
• Profesionalen arteko komunikazioa eta koordinazioa hobetzen laguntzea.
• Garraio-baliabiderik egokiena aukeratzeko prozesua erraztea, EPDTren lekualdatzearen scorearekin.
• Medikazioa premiaz emateko prozesua erraztea, EPDTren cards delakoen bidez.
• EPDTren protokoloak eta tresnak etengabe eguneratzea.
• Edukiak bitarteko digitalen bidez zabaltzea: weba eta APPa.

Halaber, EPDTk profesional sanitario guztien eskura jarri du "Pediatriako larrialdia EPDT-WEST" aplikazioa, errazagoa izan dadin informazioa eskuratzea eta erabakiak hartzea. Aplikazioa Android-erako eta iOSrako dago erabilgarri, PlayStore-ren eta AppStore-ren bidez, hurrenez hurren, eta doan deskargatu ahal da.

EPDTrekin harremanetan jarri nahi izanez gero, helbide elektroniko honen bidez egin dezakezu: EPDT-GIDEP@osakidetza.eus

Profesionalen inkestaren emaitzak, Emergentzia Pediatrikoen Diziplinarteko Taldearen (EPDT) erabilgarritasunari buruzkoa