Zerbitzu-zorroa

Arabako Osasun Mentaleko Sarea Arabako Ospitale Psikiatrikoak eta zenbait osasun zentrok osatzen dute.

ARABAKO OSPITALE PSIKIATRIKOA

Arabako Ospitale Psikiatrikoa errehabilitazioan oinarritzen den arreta psikiatrikoko espezializazio handiko zentro bat da, eta hiru arlo jorratzen ditu, landu beharreko helburu terapeutikoen arabera:

• Arreta azpiakutua
• Errehabilitazio intentsiboa
• Errehabilitazio edo berroneratze funtzionala

OSASUN ZENTROAK

Helduen osasun mentaleko hiru zentroek (Salburua eta Zabalgana, Gasteizen, eta Aiara-Laudio, Laudion) modu anbulatorioan artatzen dituzte osasun mentaleko arreta sanitarioa behar duten 18 urtetik gorako pertsona guztiak.

Haur eta Gazteentzako Osasun Mentaleko Unitateak, berriz, 18 urtetik beherakoak artatzen ditu, hauek ere modu anbulatorioan. Unitate horrek tratamendu intentsiborako Eguneko Ospitale bat du.

Psikiatriako Eguneko Ospitalea, 18 urtetik gorako gazteen tratamendu intentsiborako.

Mendekotasunen Orientazio eta Tratamendu Zentroa espezializatuta dago substantzia psikoaktiboen (alkohola, heroina, kokaina, cannabis eta abarren) abusuarekin edo mendekotasunarekin lotzen diren patologiak dituzten pertsonen arretan, baita joko patologikoarekin eta adikzio berri deritzanekin (Internet, sakelako telefonoa, eta abarrekin) lotzen diren patologiak dituzten pertsonen arretan ere. Barnean hartzen du pazienteentzako, senitartekoentzako eta, oro har, herritarrentzako orientazioa.

Errehabilitazio Komunitarioko Zerbitzuak arreta psikiatriko biopsoziala eta arreta integrala eskaintzen die asaldura mental larria duten pertsonei, pertsona horiek osasun mentaleko zentroek eskaintzen duten arreta baino jarraipen intentsiboa behar dutenean.