Zerbitzuak

Gipuzkoako Osasun Mentaleko Sarearen asistentzia-ikuspegia gaixotasunaren zeharkako ikuspegi batean oinarritzen da; hori dela eta, osasun-zerbitzuak pertsona leheneratzeko prozesuaren alde bat besterik ez dira.

Horretarako, zona geografiko bakoitzean diziplina anitzeko talde profesionalak ditugu. Talde horiek kalitate handikoak dira eta zonan dauden komunitateko gainerako baliabide sanitarioekin eta sozialekin ondo integratzen dira.

Estatuko Osasun Sistemak Prestazio Sanitarioen Ordenantzari buruz jasotzen duen urtarrilaren 20ko 63/1995 errege-dekretuak, Estatuko Osasun Sistemak zuzenean emandako prestazio sanitarioen bidez, biztanleriarentzako arreta eta asistentzia sanitarioa ezartzen ditu. Asistentzia Espezializatuaren baitan integratutako Asistentzia psikiatrikoak honako hau biltzen du: 'asistentzia anbulatorio espezializatua 'eguneko ospitalearen' erregimenean eta, bestetik, ospitaleratzea prozesu akutuen kasuetan edo prozesu kronikoak larriagotzen direnean, eta tratamendutan jartzea edo prozedura diagnostikoak, osasun mentaleko arreta eta diagnostikoa eta jarraipen klinikoa barne hartzen dituen asistentzia psikiatrikoa, psikofarmakoterapia, eta indibidualak, taldekoak edo familiarentzat izan daitezkeen psikoterapiak'.

Gipuzkoako Osasun Mentaleko Sarea, sare espezializatua den heinean, Donostia Ospitaleko Irakaskuntza Unitatearen parte da psikiatriako eta psikologia klinikoko prestakuntza espezifikorako. Horrez gain, familiako medikuntzaren eta komunitateko erizaintzaren arloko prestakuntzan ere laguntzen du.