Eibarko Ospitalea

Eibar Ospitalea Debabarrena ESIaren parte da. 2018an ireki zutenetik, Debabarrena ESIak ospitalearen bidez egiten duen eskaintza zabaldu eta hobetu da. Ospitalea sortu zen Debabarrena eskualdeko biztanleei eta inguruneko eskualdeetako biztanleei zuzendutako arreta areagotzeko, batik bat paziente kroniko konplexuen arreta —berrakututze eta eriondo faseetan—, errehabilitazio-beharra duten pazienteen arreta eta zainketa aringarriak behar dituzten pazienteen arreta.

14 kontsultatan banatutako 8 espezialitatetako kanpo-kontsultako zerbitzuak eskaintzen ditu: kardiologia, arnas-aparatua, neurologia, erreumatologia, traumatologia eta endokrinologia. Errehabilitazioa, kontsultak zein gimnasioa, erradiodiagnostikoa —X izpi konbentzional robotizatua, X izpi teleagindua, X izpi eramangarria, ekografoak (2) eta ortopantomografia—. Azkenik, hiru ospitalizazio-unitate ditu, bi solairutan banatuta, eta unitate bakoitzak 20-24 ohe ditu.