Lanbide Garapena ezohiko deialdia (2022 urte)

2. artikulua. Aplikazio-esparrua. Osakidetzako lanbide-talde guztietako langile finkoek eta ez-finkoek parte hartu ahal izango dute deialdian. Langile horiek, 3. artikuluko eskakizunez gain, honako baldintza hauek bete beharko dituzte:

1. Osakidetzako zerbitzu-erakundeetan zerbitzu aktiboan edo senideak zaintzeko, genero-indarkeriagatiko edo zerbitzu bereziengatiko eszedentzian egotea, deialdirako ezarritako epean, (EEaren 55/2003 Legea).
2. 2019ko urtarrilaren 1ean zerbitzu aktiboan egotea eta data horren ostean inaktibo egotea heriotzagatik, erretiroagatik edo ezintasun iraunkorragatik (halako kasuetan, langilea ofizioz sartuko da deialdian) edota zerbitzu-eginkizunetan egotea Osasun Sistema Nazionaleko beste osasun-zerbitzu batean.
3. Langile ez-finkoak, ez daudenak aktibo deialdiaren eskaera-epean baina Osakidetzan gutxienez 6 hilabetez lan egin dutenak eskaera egiteko epea hasi aurreko 12 hilabeteetan.

3. artikuluan ezarritako kalkuluaren arabera, emandako zerbitzu-urteen baldintza betetzen duen lanbide-garapeneko edozein maila eskatu ahal izango da, eta ez da beharrezkoa izango aurreko maila aitortzea, ezta aurreko mailan denbora-tarte bat egotea ere.

Zein lanbide-taldetan eska daiteke maila?

Langile finkoek jabetzako lanpostua duten lanbide-taldean eskatuko dute maila.

a) 2014/15eko eta 2016/17ko EPE-etan barne-sustapeneko txandaren bidez plaza lortu badute, bi aukera izango dituzte lanbide-garapena eskatzeko: batetik, eskaera egiteko unean duten kategoriatik, eta, bestetik, aipatutako hautaketa-prozesua baino lehen zeukatenetik.

Langile ez-finkoentzat maila-eskaera, eskaera egiteko epean aktibo egon den lanbide-taldean egingo da; edo, eskaera egiteko epean aktibo ez badago, aktiboan egon bada (2. artikuluko 3. puntua «eskaera egiteko epea hasi aurreko 12 hilabeteetan gutxienez 6 hilabetez lan egin izana»).

b) Osakidetzan lanbide-talde batean baino gehiagotan lan egin duten langile ez-finkoek emandako zerbitzuen baldintzak betetzen dituzten edozein taldetan eskatu ahalko dute lanbide-garapeneko maila, baldin eta Osakidetzan gutxienez 6 hilabete eman badituzte aktibo talde horretan eskaera egiteko epea hasi aurreko bi urteetan.

Bai. Lanbide-garapenaren maila eskatzea borondatezkoa da, eta interesdunak egiaztatu beharko du baldintzak betetzen dituela edo baldintza horiek eskaerak aurkezteko epearen barruan betetzeko moduan dagoela, Ebazpenaren 2. artikuluan adierazitako ofiziozko eskabideetan izan ezik.

Ekainaren 2ko 1208/2022 Ebazpenaren 2. artikuluan ezarritako sartzeko baldintzez gain, emandako zerbitzuen betekizunak bete beharko dira, jarraian adierazten den bezala:

• a) Osakidetzan lanpostua jabetzan duten langile finkoek egiaztatu beharko dute benetan eman dituztela zerbitzuak Osakidetzan maila lortu nahi duten kategorian, eta zerbitzu horiek gutxienez urtebetekoak izan direla, zerbitzu aktiboan edota senideak zaintzeko, genero-indarkeriagatiko edo zerbitzu bereziengatiko eszedentzian, deialdiko eskaera-epea hasi aurreko azken hiru urteetan.
• b) Osakidetzan jabetzako lanpostua ez duten langile finkoek egiaztatu beharko dute benetan eman dituztela zerbitzuak Osakidetzan maila lortu nahi duten kategorian, zerbitzu aktiboan edota senideak zaintzeko, genero-indarkeriagatiko edo zerbitzu bereziengatiko eszedentzian daudenak, deialdiko eskaera-epea hasi aurreko azken hiru urteetan.
• c) Osakidetzan enplegu finkorik ez duten langileek gutxienez hiru urtez eman behar izan dituzte zerbitzuak Osakidetzan, deialdiko eskaera-epea hasi aurreko bost urteetan.

3. artikulua. Betekizunak. Maila lortzeko behar diren emandako zerbitzuak kalkulatzeko, honako hauek hartuko dira kontuan:

1. Osasun Sistema Nazionalean eta EBeko osasun-sistemetan. zerbitzu aktiboan edo senitartekoak zaintzeko, genero-indarkeriagatiko edo zerbitzu bereziegatiko eszedentzian egotea:

   • a) Lanbide-talde sanitarioak (A1 eta B1):
     • Aitorpena eskatzen den kategoriako (eta, hala badagokio, espezialitateko) edo lanbide-talde bereko beste kategoria batzuetako lanpostu funtzionalak betetzea, betiere lan hori egiteko lizentziadun edo diplomadun mailako titulu sanitarioa (edo baliokidea) eskatzen bada. Ez dira kontuan hartuko Osasun Zientzietako espezialisten titulu ofizialak lortzeko prestakuntza-urteak, salbu eta zerbitzu berezietan izan badira.
     • Ikerketa-zentro ofizialetan edo Osasun Sistema Nazionalari atxikitako erakundeetan ikerlari gisa emandako zerbitzuak, lizentziadun edo diplomadun mailako eta dagokion espezialitateko titulu sanitarioa (edo baliokidea) eskatzen duen kontratuarekin.
   • b) Lanbide-talde ez-sanitarioak eta sanitarioak (A2, B2, C, D eta E):
     • Aitorpena lortu nahi den kategoriako edo beste kategoria batzuetako lanpostu funtzionalak betetzea, betiere lanbide-talde berekoak edo goragokoak badira.
     • “Erizaintzako Laguntzaile Espezialista» taldekoek Teknikari Espezialista gisa emandako zerbitzuak Teknikari Espezialista kategorian zenbatuko dira (OME 14/06/84).

   Eskatzen den lanbide-taldean emandako zerbitzuei, eta betiere talde berean gutxienez 5 urtez eman badira, Osasun Sistema Nazionalean edo EBko osasun-sistemetan beste lanbide-taldeetan batzuetan emandako zerbitzuak gehitu ahal izango zaizkie, erantsitako taulan adierazitako haztapen-balioen arabera.

2. Beste administrazio publiko batzuetan lanbide-garapeneko maila aitortzeko eskatzen den kategorian/lanbide-taldean emandako zerbitzuak % 50ean baloratuko dira.

Osasun Sistema Nazionalean eta EBean emandako zerbitzuen balorazioa, eskatutzen den taldea ez den beste batean eman direnean

1. 
2. Beste administrazio publiko batzuetan lanbide-garapeneko maila aitortzeko eskatzen den kategorian/lanbide-taldean emandako zerbitzuak % 50ean baloratuko dira.

Eskaerak aurkezteko epea 2022ko ekainaren 27ko 9:00etatik 2022ko uztailaren 22ko 14:00ak arte izanen da.