Ongietorria

Ongi etorri Debagoieneko ESIara. Osakidetzaren parte den erakunde sanitario honek Lehen Mailako Arretako eta Arreta Sanitario Espezializatuko arreta integratua eskaintzen die Arrasate, Bergara, Elgeta, Antzuola, Oñati, Aretxabaleta, Eskoriatza, Gatzaga, eta Aramaio (Araba) udalerrietako biztanleei.

Debagoieneko gutxi gorabehera 65.000 biztanleri egiten diegu zerbitzu, eta horretarako lehen arretako 4 unitate, 9 osasun-zentro eta Debagoieneko Eskualde Ospitalea ditugu.

Xedea

Erakunde Sanitario Integratu publikoa, jasangarria eta berritzailea gara, pertsonen osasuna artatzen eta sustatzen duena. Horretarako, osasun-emaitzetan konpromiso handiko profesionalak ditugu, eta Debagoieneko gizartearen inplikazioa.

Ikuspegia

Pertsona ardatz duen arreta integratuko ereduari jarraitzen dion erakundea gara, lehen mailako arretaren balioa sustatzen duena eta ospitale-arreta etorkizuneko erronketara egokitzen duena.

Erakundeak osasunaren eta efizientziaren emaitzetan balioa zer ekartzen duen aztertzen du, eta pazientearen baterako erantzukizuna txertatzen saiatzen da eta herritarren eta bestelako talde interesdunen parte-hartze aktiboa erakartzen ahalegintzen da.

Ingurumenarekin konpromisoa duen enpresa osasungarriaren ereduan oinarritzen da erakundea, lidergo partekatuko estiloa bultzatzen du eta profesionalen konpromisoaren aldeko apustua egiten du, erakunde-aldaketaren agente aktibo den heinean.

Egiten dugun arreta-zerbitzuaren kalitatearen ondorioz, Debagoieneko herritarrek gure lana ondare publiko gisa aitortzea eta baloratzea nahi dugu.

Balioak

Osakidetzaren parte - Kultura korporatiboa

Baloratzen dugu Osakidetzaren parte izatea eta haren kultura, estrategia eta helburuak hedatzea; horrek sinergiak baliatzeko eta baliabideak, programak eta jardunbide onak partekatzeko aukera ematen digu.

Zerbitzu publikoko bokazioa

Unibertsaltasunaren, ekitatearen, elkartasunaren eta kalitatearen printzipioetan oinarritzen den osasunaren aldeko konpromisoa hartu dugu, eta, horretarako, osasunaren beharrei erantzuten diegu eta Debagoieneko gizartearentzako balioa sortzen dugu.

Pertsona ardatz duen arreta

Pertsonen duintasuna errespetatzen dugu, eta haren bizi-kalitatea bilatzen dugu eta haren parte-hartzea sustatzen dugu

Profesionaltasuna, Erantzunkizuna

Laneko bikaintasuna baloratzen dugu, osasunaren arloko emaitzetan konpromisoa duten profesionalen inplikazioaren bitartez.

Talde-lana eta parte-hartzearen kultura

Parte-hartzea, elkarlana eta talde-lana sustatzen dugu, jakintzaren truke hobea eta handiagoa bultzatuz.

Berrikuntza eta etengabeko hobekuntza

Proaktiboak gara gure ikuspegia lortzea ahalbidetuko duten berrikuntzaren eta hobekuntzaren bilaketan.

Gardentasuna eta Gobernu Ona

Ingurunearekiko konpromisoa dugu, eta, horretarako, gizartearen arau eta printzipio etikoak errespetatzen ditugu eta konfiantza sortzen dugu, gardentasunetik eta baliabide publikoen kudeaketa egokitik.

Historia

1965. urtean eratu zen Arrasateko Arreta Zentroa inguru horretako kooperatiben ekimenez. Helburua zen Amatasun Zerbitzua edukitzea eta zenbait espezialista izango zituzten kontsulta medikoak gaitzea.1981. urtean arreta-zentro hori Debagoieneko Eskualde Ospitale bihurtu zen eta 1987. urtean Osakidetzaren sarean sartu zen.

1998ko otsailean, ospitalizazio-unitatea inauguratu zen;2 ospitalizazio-solairu eta 72 ohe zituen.

Osakidetzak,2011. urteko abenduan, eratu zuen Debagoieneko Erakunde Sanitario Integratua, arretaren kalitatea hobetzeko eta Lehen Mailako Arreta eta Ospitale Arreta integratzeko helburuarekin; horretarako, pazienteak jarri zituen prozeduraren erdigunean.

Horren ondorioz, giza baliabideak, baliabide materialak eta antolamendukoak erakunde bakar batean integratu ziren (Debagoieneko ESIa), eta bertan bildu ziren Debagoieneko Eskualde Erakundea eta Bergarako, Oñatiko, Leintz haraneko eta Arrasateko Lehen Mailako Unitateak.

2012ko ekainaren 18an, inauguratu zen Ospitalearen eraikin berria. Eraikin berri horri esker, azpiegiturak hobetu ziren (ama-haurren atala, barne-medikuntza, endoskopia digestiboak eta arnas-endoskopiak), oheen, kirofanoen, erditze-gelen, larrialdietako boxen eta bestelakoen zuzkidura gehitu zen, erosotasuna gehitu zen eta, azken finean, gure biztanleriaren arreta hobetu zen.

Urteek aurre egin ahala, zenbait akreditazio eta egiaztagiri lortu da. Izan ere, ospitaleak, 2004an, Euskalit erakundearen Zilarrezko Q-a lortu zuen, eta 2009an ospitaleak ISO 9001:2000 egiaztagiria lortu zuen, eta, orduz geroztik, urtero berritu du egiaztagiri hori.

2016. eta 2017. urteetan, Joint Comission International erakundeak Ospitalea eta Lehen Arretako 4 Unitateak akreditatu zituen, eta, hartara, egiaztagiri hori lortzen zuen Osakidetzaren lehen Erakunde Sanitario Integratua izan zen.

2016. urtean, BIKAIN euskararen kalitate-ziurtagiria lortu zuen.

2017an lortu zuen Arnas Aparatuaren Arloko Ospitalizazioko Top 20ko saria, etaOñatiko Lehen Arretako Unitateak Biztanleria Ebaluazioko TOP sarialortu zuen.

2018an, Kudeaketa Aurreratuko Diploma lortu zuen, EUSKALIT erakundearen Ebaluazio Klubak egindako kanpo-egiaztapenean.

Web-gune hau eskualdeko herritarrei gure zerbitzuak eta egitura erakusteko leihoa izango da.

Eskainiko dugun osasun-arreta pazienteen, haien familien eta, oro har, Debagoieneko gizartearen premien araberakoa izango da.

Ongi etorri Debagoiena ESIara!!