Ongietorria

Goierri-Urola Garaiko ESIa 2011n sortutako erakunde sanitario bat da. Lehen mailako arretako zazpi unitatek eta ospitale batek osatzen dute. Erreferentziako erakunde sanitarioa da Goierriko eta Urola Erdiko eta Garaiko (Gipuzkoa) 97.000 biztanleentzat.

Xedea

Erakunde Sanitario Integratu publiko eta jasangarria gara, balio soziala eransten duena eta pertsonei laguntzen diena bizitza osoan haien ongizate-maila hobetzen, betiere osasun-emaitzekin eta ezagutza sortzearekin konpromisoa duten profesionalen bitartez.

Ikuspegia

Erakunde sanitario integratua:

• Osasunean emaitza bikainak lortzen dituena, betiere pertsona ardatz duen arreta-eredurantz aurrera eginez.
• Balio soziala modu efizientean ekartzen duena eta pazientearen erantzukidetasuna eta gizartearen parte-hartze aktiboa txertatzen duena.
• Lidergo partekatua bultzatzen duena, eta profesionalaren konpromisoaren aldeko apustua egiten duena, erakunde osasungarri baten aldaketaren eragile aktiboa den heinean.

Balioak

• Zerbitzu publikoko bokazioa
  

  Unibertsaltasunaren, ekitatearen, elkartasunaren eta kalitatearen printzipioetan oinarritutako osasun-sistemaren aldeko konpromisoa hartu dugu, baita euskal gizartearen osasun-beharrei erantzutearen aldeko konpromisoa eta euskal gizartearentzat balioa sortzearen aldeko konpromisoa ere, publikotasunaren eta erantzukidetasunaren etika abiapuntu izanik.

• Pertsona ardatz duen arreta
  

  Pertsonen duintasuna errespetatzen dugu eta haien bizi-kalitatea bilatzen dugu, arreta integralaren eta pertsonalizatuaren bitartez. Horretarako, genero-ikuspegia kontuan hartzen dugu eta komunikazioa hobesten den hizkuntza ofizialean egiten dela bermatzen dugu.

• Profesionaltasuna, erantzukizuna eta humanismoa
  

  Lanean bikaintasuna baloratzen dugu, profesionalen konpromisoaren eta inplikazioaren bidez eta errespetuzko jarreraren bidez.

• Lidergoa eta talde-lana
  

  Talde-lana sustatzen dugu, sinergiak lortzeko, eta helburuak partekatzen ditugu, lidergo parte-hartzailean eta kide izatearen sentimenduan oinarrituta.

• Berrikuntza eta etengabeko hobekuntzarekiko inplikazioa
  

  Jarrera proaktiboa dugu gure emaitzak modu efizientean eta jasangarrian hobetuko dituzten aldaketak egiteko garaian.Ildo horretan, teknologia berrien alde egiten dugu, baita ideiak sortzeko eta ezagutzak partekatzeko lankidetza-espazioen alde ere.

• Gardentasuna eta gobernu ona
  

  Ingurunearekiko konpromisoa dugu, eta, horretarako, gizartearen arau eta printzipio etikoak errespetatzen ditugu eta konfiantza sortzen dugu, gardentasunetik eta gizarte-erantzukizunetik.